ROMA 4:11 - KITAB NU TUMPU ALLA LELE MA'IMAI'

¹¹ Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

ROMA 4:11 ပူးပေါင်းရင်းမြစ်များ

KAJADIAN 17:24

I Abraham umunnyo siniompulu'mo ka' osio' na taun tempo'nyo ia sinunat,

MAZMUR 47:9

Tumpu sumuhang aita' i kadela-Nyo anu susi'; Ia mompalentah aha to bansa-bansa.

NOSABATMO 12:13

Baso' anu i sabatan nu laigan nu belemiu bau pontandai laigan haha atina' kajojoongan nu belemiu. De Ku toamo na baso' aijo' belemiu so'mo Ku liu-liu ka' madi' Ku silakai de Aku mohukumo Mesir!

NOSABATMO 31:13

da mombebakon hi bansa Israel, “Lame'akon na sinaa nu Sabat, sinaa anu tinantukan-Kumo salaku sinaa pilawean. Sampetoka sidu-sidutu' sinaa aijo' baumo pontanda'i da boli okolilimi nu belemiu na Aku, da osumbu' nu belemiu, taalu' Akumo aiya na Tumpu, ka' taalu' Akumo na mompotimbali belemiu bansang-Ku.

NOSABATMO 31:17

Sinaa aijo' salaku bau pontandai anu madi' toho' okolilimi nu bansa Israel ka' Aku, kalana Aku, Tumpu, nompotimbalimo langit tiba tano' inganon sinaa ka' i sinaa kino ipitunnyo, Aku madi'mo nokalaja ka' nilawemo.”

YEHEZKIEL 20:12

Ku palentahmo na aha da moholomati ahi' sinaa nu Sabat salaku tanda palajanjian anu binee'-Kumo hi aha saba' Akumo ahi' na Tumpu, anu nompo iwi'mo aha salaku mian anu palesayamo hi beleng-Ku.

YEHEZKIEL 20:20

Oholomati na sinaa nu Sabat da timbali bau salaku tanda palajanjian hi belengku tiba hi belemiu salaku bau pompotuka hi belemiu saba' Akumo ahi' na Tumpu nu belemiu'.’

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 8:11

Totu'u! Manjoo' na mian anu tokaje lengkat mae i kabete'an tiba kinsoban da balame-lame' hingga-hinggat tiba i Abraham, i Ishak, ka' i Yakub, i uno nu Dunia Bu'ou nu Tumpu.

LUKAS 19:9

Lantas koonyo i Yesus, “Sinaa aiya beleyum tiba komiu sampoto utusanum pinosalamatmo nu Tumpu, ka' binee'annyomo kantumuu'an bu'ou, kalana beleyum suele lee' i Abraham.

YOHANES 3:33

Mian anu palesaya hi anu sinakisian-Nyomo aijo', mongakui saba' Tumpu aijo' totu'u.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

YOHANES 6:47

Osumbu'mo: Mian anu palesaya na ko kantumuu'an anu talakana' toka sidu-sidutu'.

YOHANES 8:33

“Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

ROMA 10:11

I uno nu Kitab nu Tumpu tinulis, “Mian anu palesaya madi' mompele-pele'.”

ROMA 10:4

Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

ROMA 10:6

Panyo mongkona jalannyo mian mompaha ima' tiba Tumpu, Kitab nu Tumpu nontaloakon sumo uuka, “Bolimo beleyum motatae i kinyonyoaum, ‘Ihe na saidi' mae moliba' i suluga?’ (alati'nyo momboa mae i Kristus mintau'),

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 3:26

Panyo uuka aiya Ia nontantukanmo kaputusan nu dosa' bau pomponyata' ka'adinan-Nyo. Tiba jalan aijo' Ia mompotoamo saba' butong-Nyo totu'u; ka' batu-batu mian anu palesayamo hi Yesus Kristus nutantukanmo mian anu po'ule'mo nompaha ima' tiba Tumpu Allah.

ROMA 3:30

Kalana Tumpu ola sa'angu'. Iamo na nombau da moko ala na to mia-mian Yahudi timbali mompaha ima' mule' tiba Tumpu kalana aha palesaya. Ka' Iamo mule' na nombau da moko ala na to mia-mian bansa sangga'at po'ule' mompaha ima' tiba Tumpu; aijo' suele kalana aha palesaya.

ROMA 4:10

Yo, naipian na Tumpu nompoto'i anu sumo aijo'? Ma'isa pe'e sinunat kabai pinoko sunatmo na i Abraham? Memang ma'isa pe'e ia sinunat, misa' noko lapasmo.

ROMA 9:30

Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

2 KORINTUS 1:22

Kalana han aijo' sahingga Tumpu nompotantumo kita, iamo na tumpu-Nyo, ka' nombee'imo Roh-Nyo i kinyonyoanto salaku tanda pompohoson saba' tionyo nu bee' hi kita iwi-iwi' na anu jinanji'-Nyomo.

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

GALATIA 3:29

De komiu i Kristusmo na tumpunyo, saba' komiu lee'mo i Abraham. Ka' komiu montalimamo apaa na anu jinanji'mo nu Tumpu Allah.

GALATIA 3:7

Jadi tionyo komiu sinsumbu' saba' mian anu totu-totu'u lee' mae i Abraham, atina'mo na mian anu palesaya hi Tumpu.

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

GALATIA 6:16

Kona hi to mia-mian anu tumuu' sipatnyo sumo aitu, ka' sumo aitu mule' kona hi iwi-iwi' mian anu palesayamo hi Tumpu Allah, kutaha'imani Tumpu mombee'ije ka'ima'an ka' balakat-Nyo.

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

ANU PINOTO'I HI YOHANES 9:4

Aha madi' opobee' na mongidei hemput, kabai to kau-kau', kabai sangga'at anu tumuu' i tano'. Aha ola timbali mombosik to mia-mian anu madi' ko tanda segen i siakannyo anu pinokona nu Tumpu.