ROMA 3:4 - KITAB NU TUMPU ALLA LELE MA'IMAI'

⁴ Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 3:4 ပူးပေါင်းရင်းမြစ်များ

AYUB 36:3

Anu ku sumbu' manjoo' hondo; jadi ku gunakonmo na han aijo' da bau pomponyata' saba' adin hondo na anu Nompodaagi'mo aku.

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

MAZMUR 100:5

Kalana Tumpu aijo' manonong; kalibosannyo sampe toka sidu-sidutu' ka' kanonongannyo aijo' sampe molundu-lundu na tulunan.

MAZMUR 116:11

De aku bingungmo aku motataemo, “Madi'mo ko samiannyo na timbali opalesaya.”

MAZMUR 119:160

Iwi-iwi' na potatae nu Belento totu'u, iwi-iwi' na atulan nu Belento anu adin tataap sampe toka sidu-sidutu'.

MAZMUR 138:2

Aku tinolodadupumo monsombahmo mo'ahop sasu i Laigan nu Belento anu susi', ka' nompuji'mo sanggo nu Belento kalana Belento manonong ka' saja' mongkalibosi. Belento talalo hondo mompentingkan anu jinanji'mo nu Belento molingkudui pikilan nu mian anu montutuhakon Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

MAZMUR 62:9

O, bansaku, sabole-boleh Tumpu na bau kataha'imanan sansina-sinaa; bee'mo iwi-iwi' naisi nu kinyonyoa nu belemiu hi Ia, kalana olamo hi Ia na tampat pihohungan.

MATIUS 11:19

Sinaa aiya Anak nu Mian toka – Ia mongkaan ka' monginum; ka' aitu to mia-mian motatae, ‘Toa na mian aijo'! Majoko', saja' malangu, sangalu nu anu saja' montage hasin, ka' sangalu nu mian anu baladosa'.’ Mau mule' sumo aijo', kapandean nu Tumpu otoa i kasawe'annyo mae.”

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

YOHANES 3:33

Mian anu palesaya hi anu sinakisian-Nyomo aijo', mongakui saba' Tumpu aijo' totu'u.

ROMA 11:1

Aku mompokilawa: Apaa Tumpu nongalinmo mian-Nyo anu pinalesayamo? Tantu madi'! Aku pe'e mian nu Israel lee' mae i Abraham anu tinonsoop i bansa Benyamin.

ROMA 11:11

Ku pokilawa mule': Tempo'nyo mian nu Yahudi nanabu'mo, te aijo' tinimbalimo da aha mohopu'? Madi' sahondo-hondonyo! Panyo kalana aha baladosa', sahingga ola ahi' bansa sangga'at na pinosalamat, sahingga nonsabapimo mian nu Yahudi nasakitmo na kinyonyoa hi bansa sangga'at aijo'.

ROMA 3:31

Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

ROMA 6:2

Tantu madi'! Dosa' madi'mo mongkuasai kita, jadi, te toho' kita saja'mo tumuu' mombau dosa'?

ROMA 7:13

Yo te aiya alati'nyo, au'aitu anu ma'ima' aijo' molubatakon kapatean hi belengku? Tantu madi'! Dosa' ahi' na anu mompolubat kapatean aijo'. Dosa' mongala jalan anu ma'ima' da mompotoka kapatean hi belengku, da sipat-sipat nu dosa' kantoaan mana-manasa. Montului palentah-palentah nu Tumpu, sahingga tinoanyo na ko ide' nyo nu dosa'.

ROMA 7:7

Desumo aitu, apaa na anu otaloakonto? Te atulan nu agama Yahudi aiya ma'idek? Tantu madi'! Panyo atulanmo aijo' na mompokinde'i aku da nonsumbu' anu moko baladosa'. Madi' sinumbu'ku na mangoa pa' apaa, de atulan nu agama madi' nontaloakon, “Boli mangoa.”

ROMA 9:14

Apaa na anu kahanda' otaloakonto tempo' uuka aiya? Tumpu Allah aijo' madi' adin? Memang totu'u Tumpu aijo' adin!

1 KORINTUS 6:15

To Utu-utus nonsumbu'mo saba' butong miu nosa'angu'mo hi butong i Kristus. Jadi, pa' timbali na aku mongala sambagian butong i Kristus, lantas opotimbali na sambagian butong nu samian masala'? Madi' hondo-hondonyo!

2 KORINTUS 1:18

Tiba sanggo nu Tumpu anu timbali opalesaya, janji'ku hi kita Utus misa' “Ii'” kabai “Madi'”.

GALATIA 2:17

Kami mompagala mompo'ule'mo ma'ima' hi Tumpu, aijo'mo tumuu' mosa'angu' tiba i Kristus. Panyo de lapasmo mombau anu sumo aijo', kami ahi' daagi' sumo “to mia-mian baladosa'” suele sumo to mia-mian misa' Yahudi, pa' aiya alati'nyo saba' i Kristusmo na anu monsabapi kami baladosa'? Tantu ahi' madi'!

GALATIA 2:21

Aku madi' mongoa'i dengke na balakat nu Tumpu. De pompahasumbu'an nu mian tiba Tumpu mompo'ule'mo ma'ima' kalana mompojalan atulan nu agama, aijo' alati'nyo, i Kristus sinilaka madi' kino gunanyo!

GALATIA 6:14

Panyo aku totu-totu'u madi' hondo mongka'oho' mombuulakon apa-apaa, sambiha'nyo Tumpunto i Yesus Kristus anu sinilakamo sinalib. Kalana Ia sinilakamo sinalib, sahingga dunia madi'mo daagi' ko alati'nyo apa-apaa hi belengku. Ka' mongkona dunia aiya, aku suele sumo anu sinilakamo.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 YOHANES 5:10

Kalana aijo', mian anu palesayamo hi Anak nu Tumpu nontalimamo anu sinakisian aijo' i uno nu kinyonyoanyo; panyo mian anu madi' mompalesaya Tumpu, mombata-bataimo au'aitu Tumpu baleko', kalana ia madi' palesaya apaa na anu pinoto'imo nu Tumpu mongkona Anak-Nyo.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.