ROMA 3:31 - KITAB NU TUMPU ALLA LELE MA'IMAI'

³¹ Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

ROMA 3:31 ပူးပေါင်းရင်းမြစ်များ

MAZMUR 119:126

O, Tumpu, tinokamo na tempo'nyo Belento mohukumo, kalana to mia-mian nolanggaimo atulan nu Belento.

MAZMUR 40:8

Lantas aku notataemo, “Aiyamo na aku, i uno nu lulunan nu kitab, tinulismo na aku.

YESAYA 42:21

Tumpu situjumo na momposalamat; Ia mongkahanda'i da atulan-Nyo oholomati ka' opopodaka'.

MATIUS 15:6

saba' mian aijo' madi'mo daagi' o tuntut da mongadati tu'anyonyo. Jadi, kalana to ada-adat nu mompolee'um, komiu mongoa'imo dengke na potatae nu Tumpu.

MATIUS 3:15

Panyo i Yesus nontaami, “Pojohokmo ola uuka aiya. Kalana sumo aitu na kita mombau iwi-iwi' anu nu kahanda'i nu Tumpu Allah.” Jadi i Yohanes nompalamandikanmo i Yesus.

MATIUS 5:17

“Boli monsangka saba' Aku toka da mohapusi atulan i Musa tiba ajalan nu to nabi-nabi. Aku toka misa' da mohapusi, panyo da mopotiju' alati'nyo anu sahondo-hondonyo.

MATIUS 5:20

Jadi, o inau': Madi' opoko ala miu na timbali mian anu palesayamo hi Tumpu, de madi' molabii to gulu-gulu' agama, ka' to mia-mian Farisi i uno nu han mombau pongka'oho' nu Tumpu Allah!”

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

ROMA 10:4

Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

ROMA 2:20

kita Utus mompogulu' to mia-mian anu tabiatnyo ma'idek, ka' gulu' nu to mia-mian ponga'. Kita Utus mangaku totu-totu'u i uno nu atulan nu agama Yahudi, kita Utus monsumbu' iwi-iwi' kapandean ka' pangajalan anu totu'u.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 3:6

Totu-totu'u madi'! Kalana de Tumpu madi' adin, mosia na Ia timbali momputusi dunia aiya?

ROMA 4:14

Kalana de ola to mia-mian anu tulu-tulutan i atulan nu agama Yahudi haha aijo' na mohumpak anu jinanji'mo nu Tumpu Allah, de sumo aijo' tantu mian anu palesaya hi Tumpu madi' hondo-hondo kogunanyo, ka' janji mule' nu Tumpu suele madi' kokaliangannyo.

ROMA 7:22

Kinyonyoangku mongka'ima'ai atulan nu Tumpu,

ROMA 8:4

Binau nu Tumpu sumo aijo' da pongka'oho'-Nyo anu pinoto'inyo i atulan nu agama Yahudi aijo' timbali ojalanakon i uno nu butong anu tumuu' mombatuki pongka'oho' nu Roh nu Tumpu Allah, ka' misa' mombatuki sipat nu mian.

1 KORINTUS 9:21

Toka hi mian anu misa' Yahudi, aku montiho susumo samian anu misa' Yahudi, anu tumuu' i sambiha'nyo nu atulan i Musa. Kubau na aijo' da aku timbali moko ala mongendei aha mombatuki i Kristus. Panyo aijo' misa' alati'nyo saba' aku madi'mo mohongo-hongo palentah haha aijo' nu Tumpu; aku na kinuasanmo ahi' nu palentah haha aijo' i Kristus.

GALATIA 2:19

Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus.

GALATIA 2:21

Aku madi' mongoa'i dengke na balakat nu Tumpu. De pompahasumbu'an nu mian tiba Tumpu mompo'ule'mo ma'ima' kalana mompojalan atulan nu agama, aijo' alati'nyo, i Kristus sinilaka madi' kino gunanyo!