ROMA 3:19 - KITAB NU TUMPU ALLA LELE MA'IMAI'

¹⁹ Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 3:19 ပူးပေါင်းရင်းမြစ်များ

AYUB 5:16

Uuka aiya ko anumo otaha'imani nu mian anu madi' ko halata'nyo. Ka' mian anu uwesan nomohokotmo madi'mo lewa' motatae, kalana ginunggumanmo nu Tumpu Allah na nganga'nyo!

MAZMUR 107:42

Mian anu hodi' na kinyonyoanyo montoa aha ka' lame'mo, panyo anu ma'idek na kinyonyoanyo opomomo'mo.

MAZMUR 63:11

Aha silakamo i uno nu pahampatean, ka' timbalimo kaanon nu binatang anu mahangas.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

YOHANES 8:9

Salatan nohongo i Yesus nontaloakon sumo aijo', i nambamo na aha nompala'i tampat aijo' toto samian lengkat pe'e i anu lebe motu'amo. Ahennyo i Yesus me sausa'nyo i kiijo' tiba boune anu daagi' tinjo-tinjo i katinjoannyo.

ROMA 1:20

Salatanmo pe'e Tumpu nompotimbali dunia, pikilan nu Tumpu anu madi' otoa-toa, aijo'mo salaku tandanyo Ia aijo' Tumpu tiba kuasa-Nyo anu sampe toka sidu-sidutu', timbalimo nu sumbu' nu mian de montoamo iwi-iwi' apaa na anu pinotimbali-Nyomo. Jadi mian madi' hondo-hondo ko pintoongan da mompototu'u butongnyo.

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

ROMA 3:23

Iwi-iwi' mian binaladosa'mo hi Tumpu anu kahanda' momposalamat aha.

ROMA 3:4

Tantu misa'! Kalana manasamo Tumpu saja' totu'u, mau mule' batu-batu mian baleko'. I uno nu Kitab nu Tumpu tinulis, “Kahanda'nyo beleyum saja' o toa totu'u apaa na anu tinaloakonum, ka' mule' beleyum untung de tempo'nyomo oputusi na beleyum.”

ROMA 3:9

Jadi, te kita mian nu Yahudi lebe ma'ima' molingkudui bansa sangga'at? Totu-totu'u madi'! Pinoko taloakonkumo mau mian nu Yahudi kabai bansa sangga'at, iwi-iwi' kinuasanmo nu dosa'.

1 KORINTUS 1:29

Sahingga madi' ko samian pe'e na timbali mombuulakon butongnyo i ahop nu Tumpu.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 4:21

To Utu-utus anu kahanda' tumuu' da nu kuasai nu to atu-atulan nu agama, soba hongo mae na aku! Ku poto'ije hi komiu apaa na anu totu'u tinulismo i uno nu Kitab Atulan i Musa.

GALATIA 4:5

Tiba jalan anu sumo aijo' Ia nompobebasmo to mia-mian anu tumuu' i uno nu kakuasa'an nu atulan nu agama; da kita mule' moko ala timbali to ana-anak nu Tumpu.

GALATIA 5:18

Panyo de Roh nu Tumpu na mompotiju' komiu, saba' komiu madi'mo nukuasai nu atulan nu agama.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.