ROMA 3:11 - KITAB NU TUMPU ALLA LELE MA'IMAI'

¹¹ madi' ko samian pe'e na anu monsumbu' ka' madi' ko samian pe'e na anu monsombah hi Tumpu.

ROMA 3:11 ပူးပေါင်းရင်းမြစ်များ

MAZMUR 53:2

Mian anu ponga' hondo motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati; madi'mo daagi' ko anu nombau palabuatan anu ma'ima'.

MAZMUR 53:4

Panyo iwi-iwi' na mian noteba'mo na kinyonyoa nu aha ka' pinalagantamo, madi'mo daagi' ko samiannyo na nombau anu ma'ima'.

MAZMUR 94:8

O, bansangku, boli ponga' susumo aijo', saba' ogunakon ahi' na pikilan nu beleyum!

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 1:7

Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

YESAYA 65:1

Tumpu notatae, “Aku sinadiamo montaami mian anu palesayamo hi beleng-Ku panyo aha madi' balado'a hi beleng-Ku. Aku balasadia nusingkaboti nu aha, panyo aha madi'mo molio Aku. Bansa aijo' madi'mo molaga Aku, maunyo ahi' Aku sinadiamo montaami: Aiyamo na Aku!

YESAYA 9:13

Kalana aijo' i uno nu sansinaa Tumpu nohukumo to pola-polaya' nu aha Israel tiba aha mian da'isan. Kinolong-Nyomo ka' ingalin-Nyomo na ubaknyo tiba ikunyo.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

HOSEA 7:10

Katabuulan nu aha mian Israel nanasamo hondo na otoa ka' tinimbalimo bukuti' nu kasala'an nu aha. Maumo iwi-iwi' aijo' jinadimo panyo aha madi' ahi' molio Aku kabai minsusule' mae hi beleng-Ku Tumpu Allah nu aha.

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

ROMA 1:22

Aha mongoa'i butong pande, yo aitu aha ponga'.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 3:10

Sumo anu tinulis i uno nu Kitab nu Tumpu, “Madi' ko samian pe'e na anu totu'u,

ROMA 3:12

Iwi-iwi' mian natikojo'onmo hi Tumpu, iwi-iwi' pinonga'mo. Madi' ko samian pe'e na mombau anu totu'u; samian pe'e madi'!

ROMA 8:7

Mian anu pikilannyo kinuasanmo nu sipat nu mian, mian aijo' mompaha bali'mo tiba Tumpu; kalana mian aijo' madi' mohongo-hongo atulan nu Tumpu; ka' memang ia madi' moko ala mohongo-hongo atulan nu Tumpu.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.