ROMA 2:9 - KITAB NU TUMPU ALLA LELE MA'IMAI'

⁹ Batu-batu mian anu mongka'ima'i mombau ka'idekan tionyo sansala' ka' sakisa; momoonanyo mian nu Yahudi, ka' suele bansa-bansa sangga'at.

ROMA 2:9 ပူးပေါင်းရင်းမြစ်များ

2 TAWARIKH 6:23

o Tumpu potombihingakon ahi' mae nu Belento kiita' i suluga' ka' putusiakon mae na palakala nu to posa-posaihon nu Belento aiya. Hukumo na anu ko sala'nyo, ka' pobebasmo na anu madi' ko sala'nyo.

MAZMUR 32:10

Mian anu baladosa' saja' nu tokai mae nu kasansala'an; panyo mian anu saja' montaha'imani Tumpu tataap nu jagai nu kalibosan-Nyo.

AMSAL 11:23

Apaa na anu nu kahanda'i nu mian anu manonong saja' ohumpak na hasinnyo, anu ma'ima'; panyo anu nu taha'imani nu mian anu ma'idek na kinyonyoanyo ola ahi' tambuha'.

YEHEZKIEL 18:4

Nyawa nu mian Aku na tumpunyo, mau nyawa nu anu tu'anyomo kabai nyawa nu anaknyo. Mian anu baladosa' aijo' ahi' na silaka.

YEHEZKIEL 22:31

Kalana aijo' uuka aiya Ku potudunmo na tambuha'-Ku hi aha, ka' susumo apu Ku toyo'imo na aha kalana iwi-iwi' na palabuatan nu aha Aku, Tumpu Anu Matangkas na Kuasanyo notataemo.”

AMOS 3:2

“Pa' sangkuka na bansang i dunia, ola sa'a-sa'angu'mo na bansa na anu Ku sumbu' ka' Ku palahatikan. Aijo' na sababnyo dosa' nu belemiu talalo daka', ka' Aku totu-totu'u mohukumo belemiu.”

MATIUS 16:26

Apaa na untungnyo hi toto samian de songko-songko na dunia aiya timbalimo anunyo, panyo madi'mo nu humpak na kantumuu'annyo? Timbali na kantumuu'an aijo' otolosi nu sambu-sambumo?

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 28:17

Salatan tinolun sinaamo, i Paulus nolagamo to tu'a-tu'anyo mian nu Yahudi i tampat aijo'. Ka' salatan sinihukmo na aha, ia notataemo hi aha, “To Utu-utus! Aku madi' ko sala' apa-apaa hi bansanto, kabai noolanggaimo adat kabiasa'an anu tinalima lengkat mae hi mompolee'to. Mau sumo aitu aku i hakop i Yerusalem ka' binee' hi to mia-mian nu Roma.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

ROMA 2:10

Panyo iwi-iwi' mian anu mongka'oho' mombau anu ma'ima', tionyo obee'i anu opopodaka' ka' anu o adati tiba ka'ima'an lengkat mae hi Tumpu; momoonanyo hi mian Yahudi, sumo aitu mule' hi to mia-mian bansa sangga'at.

ROMA 8:35

Apaa daagi' ko anu moko tewa' i Kristus mongkalibosi kita? Pa' kasusa'an timbali montewa', kabai kasansalan, kabai osakisa, kabai tempo' nu susa' i kaanon, kabai kasiasi, kabai balaa', kabai o kapatean?

ROMA 9:24

Kita ilaga-Nyomo, misa' ola lengkat i bansa Yahudi, panyo mule' suele i bansa sangga'at.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

2 TESALONIKA 1:6

Ia mombaumo apaa na anu adin, ka' tionyo mombalosakonmo kasansala'an hi mian anu nonsansalamo komiu.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?