ROMA 2:7 - KITAB NU TUMPU ALLA LELE MA'IMAI'

⁷ Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 2:7 ပူးပေါင်းရင်းမြစ်များ

AYUB 17:9

Mian anu ma'ima' na kinyonyoanyo ka' anu madi' ko kasala'annyo, lebemo nu oa'i totu-totu'u na kantumuu'annyo kina'ima' anmo nu Tumpu Allah.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

MAZMUR 37:34

Tumpumo ahi' na otaha'imani ka' tulutimo nam palentah-Nyo, sahingga Nu hangkatmo na beleyum da mompusaka'imo tano' aijo'; nu toaje na mian anu ma'idek na kinyonyoanyo ogalisimo.

YEHEZKIEL 18:17

Ia madi' toho' mombau palabuatan anu ma'idek kabai monsaboli lantas mompake bunganyo. Ia tulu-tulutan hondo hi atulan-Ku ka' motuluti hondo palentah-ngKu. Anak aijo' madi' mate kalana nu saduakon nu dosa' nu tuumanyo panyo tataap ahi' tumuu'.

MATIUS 25:46

Saba' to mia-mian aijo' o hukummo nu hukuman anu sampe toka sidu-sidutu', panyo komiu to mia-mian anu mombau kahanda' nu Tumpu, mongoa'i kantumuu'an talakana' ka' sampe toka sidu-sidutu'.”

LUKAS 21:19

De komiu moko tahan ka' sabaan, komiu saidi' mae salamat.”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

YOHANES 4:36

Mian anu mompadak montampu'unimo montalima tamboonyo, ka' molimu' hasinnyo da bau kantumuu'an anu talakana' sampe toka sidu-sidutu'. Sahingga mian anu montugan tiba mian anu mompadak timbali mongoa'i kasanangan hingga-hinggat.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

ROMA 2:10

Panyo iwi-iwi' mian anu mongka'oho' mombau anu ma'ima', tionyo obee'i anu opopodaka' ka' anu o adati tiba ka'ima'an lengkat mae hi Tumpu; momoonanyo hi mian Yahudi, sumo aitu mule' hi to mia-mian bansa sangga'at.

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

ROMA 8:18

Iwi-iwi' na kasansala'an anu o'oa'into uuka aiya, de aku na montutugi, madi' opoko ala opokakanakon tiba kabilahian anu oponyata' hi kita.

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

1 KORINTUS 15:42

Sumo aitu mule' saidi' mae na balu-balu'nyo nu to mia-mian silaka anu po'ule' opotumuu'. Butong anu olamun aijo', aijo'mo butong anu timbali ma'idek; panyo butong anu po'ule' opotumuu', aijo'mo butong anu madi' toho' ma'idek.

1 KORINTUS 15:50

Anu nupatui nu potataengku to Utu-utus, aijo'mo butong anu baso' ka' antok na pinotimbali, madi' moko ala minsoop i Dunia Bu'ou nu Tumpu; ka' butong anu timbali silaka madi' moko ala tumuu' sidu-sidutu'.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

2 TIMOTIUS 1:10

Ka' uuka Tumpu nompotoamo balakat-Nyo aijo' hi kita, kalana nompotokamo mae Tomundo anu Momposalamat kita, i Kristus Yesus. I Yesus nompokalamo kuasa nu kapatean ka' nomboamo mae kantumuu'an anu sampe toka sidu-sidutu' montului Lele Ma'ima' aijo'.

IBRANI 2:7

I tempo' anu madi' pinin Belento nompotimbalimo ia gagana' tinau'akon i aluknyo nu malaikat. Belento nombee'mo pangkat hi ia anu opopodaka' ka' o'adati,

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

1 YOHANES 2:25

Ka' aiyamo na anu jinanji'mo i Kristus hi kita: Tumuu' kopian ka' sampe toka sidu-sidutu'.