ROMA 2:5 - KITAB NU TUMPU ALLA LELE MA'IMAI'

⁵ Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

ROMA 2:5 ပူးပေါင်းရင်းမြစ်များ

2 TAWARIKH 30:8

Boli panggaga susumo aha, panyo otuluti na Tumpu. Imbo' toka mae i Yerusalem, i Laigan nu Tumpu anu tinantukanmo nu Tumpu Allah nu belemiu samata-mata ponsomban Ia sampe toka sidu-sidutu'. Imbo' toka mae sombah na Ia da Ia madi'mo montambuha'i belemiu.

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

AYUB 21:30

Koonyo nu aha, “De tokamo na tempo'nyo Tumpu Allah mombee'imo hukuman, to mia-mian anu ma'idek na kinyonyoanyo oposalamatmo.”

MAZMUR 110:5

Tumpu i Sasu koanan nu beleyum, de Ia motambuha', to tomu-tomundo, Nu patundu'mo.

MAZMUR 95:8

“Boli panggaga na belemiu susumo mompolee' nu belemiu kiijo' mae i Meriba, susumo tempo'nyo aha kiijo' mae i Masa, i tampat padang anu mateges.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 32:34

Lako'mo uuka aiya, ka' boa na aha aijo' i tampat anu pinoto'ing-Kumo hi beleyum. Malaekat-Kuje na molaya' beleyum, panyo tempo'nyo memang tokamo mian haha aijo' Kuhukumo kalana dosa' haha aijo' nu aha.”

NOSABATMO 8:15

Salatan tinoa i tomundo taalu' bahangkakak haha aijo' singkapmo i nate, ia sabole-bolemo pinanggaga. Ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

AMSAL 1:18

panyo to mia-mian anu ma'idek na kinyo nyoanyo aijo' ola ahi' mompokona bihan da posi butong nu aha na nukona – bihan anu monsilakai aha.

AMSAL 11:4

De montanda'imo kasilakan halata' madi'mo ko gunanyo; panyo kantumuu'an nu beleyum salamat de beleyum madi' tageo' na kinyonyoa.

AMSAL 28:14

Saja' oholomati na Tumpu, sahinga beleyum saidi mae mohumpakje kabilahian iuno nu kantumuu'an. De beleyum panggaga hi Ia, beleyum mohumpakmo kasilaka'an.

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YESAYA 48:4

Ku sumbu' na beleyum panggaga ahi' hondo madi' hondo mohongo-hongo.

YEREMIA 40:3

Uuka aiya han aijo' binau-Nyomo kalana bansa nu beleyum binaladosa'mo ka' mule' madi'mo nohongo-hongo Ia.

YEHEZKIEL 11:19

Aha Ku bee'ije kinyonyoa anu sangalasan ka' mule' pikilan anu sangalasan, madi'mo pokakana sumo anu ihikuhakonmo. Kinyonyoa nu aha anu nokuutmo susumo batu Ku alamo ka' Ku bolosimo nu kinyonyoa anu tulu-tulutan hi beleng-Ku.

YEHEZKIEL 3:7

Panyo bansa Israel na madi' ahi' mongka oho' beleyum ka' Aku mule' madi' ahi' nu palahatikan nu aha. Aha iwi-iwi' panggaga hondo ka' madi' tulu-tulutan.

DANIEL 5:20

Panyo salatan ia tinakabunmo ka' madi'mo nohongo pikilan nu mian sangga'at ka' talalomo binuhingison ia pinobelentimo i kalaja'annyo sahingga ia madi'mo tinala sanggo.

HOSEA 13:12

Tumpu notatae, “Dosa' tiba kasala'an nu aha Israel tinulismo ka' tulisannyo aijo' inguna'mo.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 11:25

To Utu-utus! Kupoita da komiu boli mongoa'i au' aitu nonsumbu'mo iwi-iwi'. Kalana daagi' ko sangahan anu nukahanda'i nu Tumpu Allah, panyo anu ma'isa nusumbu' nu mian. Ka' ku kahanda'i da osumbu' miu; aijo'mo: Sambagian mian nu Yahudi panggaga, panyo kalakuan nu aha aijo' ola toka sampe pa'sangkuka na konjoo'nyo nu to mia-mian misa' Yahudi anu toka hi Tumpu aijo' sukupmo.

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

PO'ULE' INGULIT 32:34

Nu inau' nu Tumpu apaa na anu binaumo nu sampobali' nu mian anu pinalesayamo hi Ia ka' mohukummo aha de tokamo i tempo'nyo.

2 TESALONIKA 1:5

Ka' aiyamo na kanyata'annyo mosia na ko adinnyo na Tumpu Allah momputusi: Komiu nongoa'imo kasansala'an kalana Dunia Bu'ou nu Tumpu, ka' kalana aijo' komiu timbalimo pantas minsoop i unonyo.

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

IBRANI 3:15

Aiyamo na anu tinulis i uno nu Kitab nu Tumpu, “De sinaa aiya komiu mohongomo potatae nu Tumpu, boli komiu panggaga, susumo mompolee' miu, tempo'nyo aha notomuhukmo hi Tumpu.”

IBRANI 4:7

Kalana Tumpu nontantukanmo sa'angu' na sinaa sangga'at mule', anu osanggohi “Sinaa Aiya”. Motau-taunmo na Tumpu nompoto'i han aijo' hi Daud, i uno nu ayat anu ingala ka' tinulis u'uka aijo', “De sinaa uuka komiu mohongomo potatae nu Tumpu, bolimo komiu panggaga.”

YAKOBUS 5:3

Mosoni' ka' salaka miu kinampuhanmo nu atak; ataknyo na timbali sakisi nongewa komiu ka' mongkekedi sampe mingkot butong miu sumo apu. Komiu nontambunmo halata' bau pontoukai tempo' anu malia'mo mingahen.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

YUDAS 1:6

Singkona o inau' na to mala-malaikat anu nolingkuduimo kakuasa'an anu binee'mo hi aha, sahingga namba nompala'imo tampat kajojoongan nu aha. Tumpu nompungumo malaikat haha aijo' nu lante' anu sampe toka sidu-sidutu' i uno nu tampat anu pintung i aluknyo nu dunia. I kiijo' mae na aha o talungku'mo sampe hukuman onabu'akonmo hi aha i Sinaa anu opalias aijo' saidi' mae.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.

ANU PINOTO'I HI YOHANES 6:17

Sinaa anu okabuk aijo' tinokamo, uuka aiya aha mompobuntumo tambuha' nu aha, ka' madi' ko samian pe'e na moko ala totinjo i ahop nu aha!”

1 SAMUEL 6:6

Apaa na gunanyo belemiu panggaga susumo tomundo' ka' mian nu Mesir naipuan mae? Boli okolilimi mosia na Tumpu Allah lewa' nombia-biangakon aha sampe aha madi' mo noko ala nombau apa-apaa ka' aha mian nu Israel nu Israel pino bee'mo nu aha nompala'i Mesir.