ROMA 2:4 - KITAB NU TUMPU ALLA LELE MA'IMAI'

⁴ Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

ROMA 2:4 ပူးပေါင်းရင်းမြစ်များ

MAZMUR 10:11

Tinutugannyo, “Tumpu nongkolilimimo ka' madi'mo sola' mompotomatakon mae; ka' mule' Ia tantu madi'mo daagi' saja' montoa mae aku!”

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

NOSABATMO 34:6

Lapas aijo' Tumpu notulumo hi ahop i Musa ka' notatae, “Akumo na Tumpu, Tumpu Allah anu saja' mongkanonongi ka' mongkalibosi. Kalibosan-Ku saja' molabi-labi, Aku saja' sabaan ka' madi' malia' pusa.

ANU MOMPOLELE POTATAE NU TUMPU 8:11

Kadaka' talalo dengke na mian mombau anu ma'idek aijo'? Kalana madi' sampa ohukum na ia.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YEREMIA 7:10

Salatan iwi-iwi' aijo' binaumo nu belemiu, belemiu tokamo mae mangadap hi belengku i aiya iposi Laigan-Ku ka' motatae, ‘Kami madi'mo ko anu mompoposia.’ Lapas mae po ule' mule' ahi' obau nu belemiu na palabuatan anu ma'idek aijo'.

YEHEZKIEL 11:19

Aha Ku bee'ije kinyonyoa anu sangalasan ka' mule' pikilan anu sangalasan, madi'mo pokakana sumo anu ihikuhakonmo. Kinyonyoa nu aha anu nokuutmo susumo batu Ku alamo ka' Ku bolosimo nu kinyonyoa anu tulu-tulutan hi beleng-Ku.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

ROMA 3:25

Tumpu nongkolobanakonmo i Yesus Kristus, da kalana Ia sinilaka aijo' mian natantumo pinobebasmo i kasala'an de aha palesaya hi Ia. Tumpu nombau sumo aijo' da mompotoa ka'adinan-Nyo. Kalana tempo' anu i hikuhakonmo Tumpu nonsabalakonmo dosa-dosa' nu mian, sahingga Ia madi' nohukum aha.

ROMA 6:1

Desumo aitu, apaa na timbali otaloakonto? Pa' timbali na kita sabau-baunyomo dosa' da Tumpu mompaka kalibosi kita?

ROMA 6:15

Uuka aiya, mosia na katotu'uannyo? Timbali na kita mombau dosa', kalana kita madi'mo i 'aluk nu kuasa nu atulan nu agama Yahudi, panyo i 'alukmo nu balakat nu Tumpu? Madi' hondo-hondo!

2 KORINTUS 8:2

Aha inguji'mo nu kasusa'an anu toto boa-boat. Panyo mau mule' aha nongoa'imo kasusa'an-kasusa'an sumo aijo', aha bilahi ka' manonong hondo na kinyonyoa mombee'i bau pontulungi mian sangga'at, mau mule' aha kasiasi hondo.

EFESUS 1:18

Aku nongkakasemo da Tumpu mombuka' pikilan miu, sahingga timbali majingka; da belemiu monsumbu' apaa na anu timbali otaha'imani nu belemiu hi Tumpu anu nolagamo belemiu. Ka' suele da osumbu' miu mosia na balakat anu toto ima-ima' molabi-labi, anu nupotouka nu Tumpu bau bagi nu mian anu palesayamo hi Ia;

EFESUS 1:7

Kalana i Kristus sinilakamo, kita pinobebasmo nu Tumpu Allah, alati'nyo Ia nongampunimo kita i to dosa-dosa'to.

EFESUS 2:4

Panyo palias na kodaka'nyo na kanonongan nu kinyonyoa nu Tumpu! Ia nongkalibosimo kita sumo aijo',

EFESUS 2:7

Tumpu nombau sumo aijo' da tempo' anu tokaje aiya mae i ahop, mian montoamo mosia na kodaka'nyo na kalibosan nu Tumpu. Kalibosan aijo' pinonyata'mo nu Tumpu kalana ka'ima'an nu kinyonyoa-Nyo hi kita nontului jalan hi Kristus Yesus.

EFESUS 3:16

Aku balado'a bisa-bisa' Tumpu anu opopodaka' sanang na mompohoson kinyonyoa miu nu Roh-Nyo.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

FILIPI 4:19

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.

2 PETRUS 3:15

Ka' tionyo ahi' o'akui na kasabalan nu Tumpu saba' sumomo tempo' anu ma'ima' anu binee'-Nyomo hi belemiu da timbali salamat. I Paulus, utusto anu oka-okanonongi, nontulismo suele sumo aijo' anu pinakatunyomo hi belemiu. Tumpu na nombee'i ia kapandean nontulis aijo'.

2 PETRUS 3:3

Momonanyo belemiu tionyo ahi' monsumbu' saba' sinaa anu i mihinyo mae, tokamo na to mia-mian anu kantumuu'annyo kinuasanmo nu napisu nu aha. Aha na saidi' mae monjojoamo belemiu

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.