ROMA 2:3 - KITAB NU TUMPU ALLA LELE MA'IMAI'

³ Panyo komiu, to Utu-utus, mombau suele i posi butong hahan anu otukakon miu hi mian sangga'at! Ka' o tutugi miu, komiu madi' nukona nu hukuman nu Tumpu?

ROMA 2:3 ပူးပေါင်းရင်းမြစ်များ

2 SAMUEL 10:3

Salatan aha tinokamo i Amon aha to pola-polaya' nu lipu' aijo' notataemo hi Tomundo' Hanun, “Boli belento Tomundo' bapikin i Daud nonsaimo mae mian haha aijo' kalana ia kahanda' moholomati tuuma nu belento Tomundo'! Ia nonsai mae mian haha aijo' ola salaku mian anu mamba mae mondoyoni kota' aiya da timbali nupoko ala nupatundu' nu aha.”

MAZMUR 50:21

Aijo'mo na anu sola' nu bau, panyo ola Ku hokotakon, jadi nu tutugi nu beleyum Aku sumo beleyum. Panyo uuka aiya Ku pisala'imo na beleyum, ka' iwi-iwi' aijo' Ku pojadimo da nyata' hi beleyum.

MAZMUR 56:7

Aha babola-bolak i tampat paninsulukan, mompotomatakon mae iwi-iwi' apaa na anu ku bau, ka' molio jalan pa' mosia na mompatei aku.

AMSAL 11:21

Mian anu ma'idek na kinyonyoanyo memang mohumpakmo hukuman; panyo mian anu manonong mohumpakmo kasalamatan.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

YEHEZKIEL 17:15

Panyo i tomundo' Yehuda notomuhukmo ka' nonsaimo mian namba i Mesir da mohumpak ajahan tiba mule' suludadu manjoo'. Pa' usaha aijo' nu humpak ahi'? Pa' ia opojohokmo ahi' da mopalai? Madi' bisa na ia molanggai palajanjian ka' madi' mohumpak hukuman!

YEHEZKIEL 17:18

Kalana ia nolanggaimo sumpa' tiba palajanjiannyo, ia madi'mo daagi' moko ala mopalai.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

MATIUS 26:53

Nu sumbu' Aku madi' moko ala momoita tulung hi Tuumang-Ku, ka' Ia malia' mae hondo na monsai mae molabi sampulu' ka' ohua' na pasukan nu Suludadu malaikat?

LUKAS 12:14

I Yesus nontaami, “Utus, ihe na nohangkat Aku timbali anu momputusi kabai mombagi buden atina' hi komiu ohua'?”

LUKAS 22:58

Madi' pinin mule' samian nontoa i Petrus ka' notatae, “Beleyum suele sala'samian lengkat hi aha!” Panyo i Petrus nontaami, “Madi', misa' aku!”

LUKAS 22:60

Panyo i Petrus nontaami, “Apaa na kooyum atina', madi' kusumbu'!” Tempo'nyo aitu mule' hau-haunyo i Petrus daagi' basisik, manuk nintutuhu'mo.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

ROMA 2:2

Osumbu'to de Tumpu monabu'akon hukuman hi to mia-mian anu mombau hia sumo aijo', pomputusi nu Tumpu aijo' totu'u.

ROMA 9:20

Panyo, kita Utus! Kita Utus ola mian. Ka' kita Utus madi' timbali baani montaami Tumpu! Te timbali na tampat nu bunga mompokilawa hi mian anu nombau, “Ka' kadaka' beleyum nombau aku sumo aiya?”

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.