ROMA 2:28 - KITAB NU TUMPU ALLA LELE MA'IMAI'

²⁸ Kalana mian anu totu-totu'u Yahudi misa' ola asan sanggonyo mian nu Yahudi; ka' mian anu totu-totu'u sinunat misa' ola sinunat tudu-tudu i butong.

ROMA 2:28 ပူးပေါင်းရင်းမြစ်များ

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEREMIA 9:25

Tumpu notatae, “Tokaje mae na tempo'nyo Kuhukumo na aha mian nu Mesir, Yehuda, Edom, Amon, Moab, tiba mian anu jojoong ipadang tampat anu mateges anu monggunting ubaknyo opokodo'. Aha iwi-iwi' sinunat pokakana susumo mian Israel, panyo maunyomo ahi' aha mau bansa Israel kalakuan nu aha sumomo ahi' to mia-mian anu madi' sinunat, kalana aha madi' ahi' montuluti palajanjian anu ilambangkan nu sunat aijo'.”

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

YOHANES 1:47

I Yesus nontoa i Natanael tinoka, lantas notatae mongkona ia, “Toa, aijo' mian nu Israel totu-totu'u. Madi' ko baleko'nyo hi ia.”

ROMA 2:17

Panyo uuka posi komiu mosia to Utu-utus? Kita Utus mangaku mian nu Yahudi. Kita Utus mintoong i atulan nu agama Yahudi, ka' kita Utus mongoa'i daka' na kinyonyoa i pompahasumbu'an nu kita Utus tiba Tumpu.

GALATIA 6:15

Sinunat kabai madi' sinunat, aijo' madi' palalu. Anu palalu aijo'mo timbali manusia bu'ou.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!