ROMA 2:25 - KITAB NU TUMPU ALLA LELE MA'IMAI'

²⁵ De kita Utus mombatuki hondo-hondo atulan nu agama Yahudi yo sunat nu kita Utus ko kaliangannyo ahi. Panyo de kita Utus madi' moko batuki anu pinalentakon i uno nu atulan aijo', yo sunat nu kita Utus madi' hondo ko kaliangannyo.

ROMA 2:25 ပူးပေါင်းရင်းမြစ်များ

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

ROMA 2:23

Kita Utus mombuulakon tukonto, kita Utus daagi' ko atulan i Musa, yo aitu posi kita Utus mompopo'ise' Tumpu tiba mule' madi' montapali atulan-Nyo.

ROMA 2:26

De samian misa' Yahudi anu madi' sinunat, mombatukimo atulan nu agama Yahudi, te misa' nutalimamo nu Tumpu susumo mian anu sinunatmo?

ROMA 2:27

Ka' to mia-main anu madi' sinunat aijo' mompisala'imo kita Utus mian nu Yahudi, kalana kita Utus daagi' ko atulan nu agama Yahudi, ka kita Utus sinunatmo, panyo kita Utus molanggai atulan aijo'. Aha madi' sinunat, panyo ahamo na anu montanga'imo atulan nu agama Yahudi.

ROMA 2:28

Kalana mian anu totu-totu'u Yahudi misa' ola asan sanggonyo mian nu Yahudi; ka' mian anu totu-totu'u sinunat misa' ola sinunat tudu-tudu i butong.

1 KORINTUS 7:19

Kalana mohongo-hongo atulan nu sunat kabai madi' mohongo-hongo, ohu-ohua' aijo' bubuu' madi' ko alati'nyo apa-apaa. Anu penting mohongo-hongo palentah nu Tumpu.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.

GALATIA 6:15

Sinunat kabai madi' sinunat, aijo' madi' palalu. Anu palalu aijo'mo timbali manusia bu'ou.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.