ROMA 2:22 - KITAB NU TUMPU ALLA LELE MA'IMAI'

²² Kita Utus mompogulu' mian da boli masala', yo aitu posi kita Utus masala'! Kita Utus mongka'ideki pilogot, yo aitu posi kita Utus mongala palabuat nu to lai-laigan bapilogotan.

ROMA 2:22 ပူးပေါင်းရင်းမြစ်များ

MAZMUR 50:17

Kalana beleyum madi' mongka'oho' montalima pokinde'-Ku, ka' monggagakon iwi-iwi' na palentah-ngKu.

YEREMIA 5:7

Tumpu notatae, “Kadaka' Aku mongampunimo dosa-dosa' nu mian anu palesayamo hi beleng-Ku? Aha nompala'imo mae Aku ka' mule' nonsombahmo anu misa' Tumpu Allah. Aku na nombee'i anu okaan hi aha sampe aha nobosumo, panyo aha nasala'mo ka' toto minsan aha mambamo hi to mia-mian anu saja' masala'.

YEREMIA 9:2

Uuka aiya ipadang tampat anu mateges timbali ku kabot na tampat sinso'an male' nu mian anu ilumambanan! Sahingga ku pala'imo na bansangku ka' malaimo mamba kiijo' mae da matikojo'onmo madi'mo ohani hi aha. Aha iwi-iwi' saja' mombau palabuatan anu ma'idek sa'angu' na posa'angu'an nu mian anu madi' tulu-tulutan,

YEHEZKIEL 22:11

Bengkele' nu mian sangga'at kabai moniannyo boune, kabai utusnyo ise' anak nu tuumanyo hi bengkele' sangga'at.

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MALEAKHI 1:8

De belemiu monsombahkonmo hi beleng-Ku, binatang anu mapisok, anu masakit kabai anu pengko madi'mo moko ala lumajang, temisa' aijo' palabuatan ahi' anu madi' mingkona? Soba mombee' binatang anu susumo aijo' hi gubernur! Pa' ia sanang ahi' ka' mule' madi' nu poposia na belemiu?”

MALEAKHI 3:8

Uuka aiya Ku pokilawamo hi belemiu: Pa' timbali ahi' na manusia mongakali Tumpu? Tantu ahi' madi'. Panyo belemiu nongakalimo Aku. Belemiu nompokilawa, ‘Mosia?’ Tinamaan-Ku: Tentang han mombayan anu sampulu' na bagian sampulu' na o'ala ka' mombee' palasombahan.

MATIUS 12:39

“Palias na ko ideknyo ka' ko geguannyo na to mia-mian tempo' aiya!” tinaaman i Yesus. “Komiu mompoita Aku mombau anu okabangangi? Komiu madi' daagi' obee'i sa'angu' pe'e na anu okabangangi, ola ahi' anu okabangangi i Nabi Yunus.

MATIUS 16:4

“Ibeh na ko ideknyo ka' ko geguannyo na to mia-mian tempo' aiya. Komiu mompoita Aku mombau anu okabangangi. Komiu madi' obee'i sa'angu' na anu okabangangi, boli mompiakon anu okabangangi i Nabi Yunus.” Salatan notatae sumo aitu, i Yesus nompala'imo aha, lantas i nambamo.

MARKUS 11:17

Lapas aijo' i Yesus nongajanmo to mia-mian i kiijo'. Ia notatae, “I uno nu Kitab nu Tumpu tinulis sumo u'uka: Tumpu notatae, ‘Laiganku osanggohi laigan tampat balado'aan nu iwi-iwi' bansa'.’ Panyo komiu mompotimbali petaa nu tololang!”

SISIKON NU TO RASUL-RASUL 19:37

Mian haha aijo' binoamo miu mae aiya, misa' kalana aha nontomangmo laigan nu pilogot kabai kalana aha nompopo'ise'mo pilogot boune.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?