ROMA 2:21 - KITAB NU TUMPU ALLA LELE MA'IMAI'

²¹ Kita Utus mompogulu' mian sangga'at; yo, kadaka' kita Utus madi' mompogulu' posi butong? Kita Utus mompogulu' mian da boli mombuling, yo aitu kita Utus mombuling!

ROMA 2:21 ပူးပေါင်းရင်းမြစ်များ

YESAYA 42:20

O, Israel, manjoo'mo na anu tinoa nu beleyum panyo madi' nu palahatikan, bihing nu beleyum tabuka' panyo madi' beleyum mohongo.”

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MATIUS 21:13

Lantas Ia notataemo hi to mia-mian aijo', “I uno nu Kitab nu Tumpu tinulis, Tumpu notatae, ‘Laigan-Ku osanggohi laigan tampat balado'a.’ Panyo komiu mompotimbalimo petaa nu tololang!”

LUKAS 11:46

I Yesus nontaami, “Silaka na komiu suele, to gulu-gulu' agama! Komiu montuntut hahan anu susa' ka' mombee'i atu-atulan anu maboat, panyo komiu sangkiding pe'e madi' ka'oho' montulungi mian anu montuluti atulan aijo'.

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

LUKAS 19:22

Tomundo aijo' notatae hi ia, ‘Beleyum pokauhon anu ma'idek! Sumo posi potataeum aku mohukum beleyum. Nusumbu' aku mian anu masigo; aku mongala anu misa' anungku, ka' mongala hasin anu misa' i tampat anu madi' tinugalanku.

LUKAS 4:23

Lantas i Yesus notatae hi aha, “Tantu komiu mompake kantuang aiya hi beleng-Ku, ‘Dokoten posi opa'alin na butong-Um. Anu okabangangi i hongomo mami binauum i Kapernaum, soba baumo i posi kampung-Um.’ ”

1 KORINTUS 9:27

Kubee' na butongku opogulu' totu-totu'u, sahingga aku monsumbu' hondo-hondo. Kubau sumo aijo', kalana aku madi' mongka'oho' boli-boli salatan aku mongende mian sangga'at da mombatuki bakutanding pailomba aijo', yo aitu aku na madi' ahi' opobee' pailomba.

GALATIA 6:13

Mau mule' to mia-mian anu nombatukimo atulan nu sunat, madi' ahi' mompojalan atulan nu agama. Panyo aha mongkahanda'i da komiu o sunatmo, da aha timbali mombuulakon, kalana komiu nontulutimo atulan aijo'.