ROMA 2:20 - KITAB NU TUMPU ALLA LELE MA'IMAI'

²⁰ kita Utus mompogulu' to mia-mian anu tabiatnyo ma'idek, ka' gulu' nu to mia-mian ponga'. Kita Utus mangaku totu-totu'u i uno nu atulan nu agama Yahudi, kita Utus monsumbu' iwi-iwi' kapandean ka' pangajalan anu totu'u.

ROMA 2:20 ပူးပေါင်းရင်းမြစ်များ

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

ROMA 2:19

Kita Utus mangaku totu-totu'u tukooyum kita Utus te polaya' mian mapisok, ka' jingka hi aha anu i uno nu pikat;

ROMA 3:31

Ugaat aiya na alati'nyo kalana kita palesaya hi Kristus, sahingga kita nontibahakonmo atulan nu agama Yahudi? Misa' hondo-hondo! Ola o, kalana kapalesaya'anto aijo', kita nohalagaimo atulan iajo'.

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

1 KORINTUS 3:1

To Utu-utus, de o'ala i hondonyo madi' moko ala na aku motatae tiba komiu sumo tiba mian anu ko Roh nu Tumpu. Aku ola moko ala motatae tiba beleyum sumo tiba mian anu daagi' tumuu' mombatuki pongka'oho' nu dunia; sumo mian anu daagi' bunga mea' i kapalesaya'annyo hi Kristus.

2 TIMOTIUS 1:13

Otuluti hondo-hondo na pangajalan anu totu'u anu binee'kumo hi beleyum. Ka' tionyo ahi' beleyum tataap mintoong i kapalesaya'an ka' kalibosan anu tinimbalimo anunto saba' nosa'angu'mo tiba i Kristus Yesus.

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

TITUS 1:16

Aha notatae, tukoonyo aha monsumbu' nu Tumpu, padahan palabuatan nu aha madi' totu'u. Aha monsaduakon da mongkahumimi'i ka' madi' mongka'oho' tulu-tulutan; aha aijo'mo na to mia-mian anu madi' moko ala mombau apa-apaa na anu ma'ima'.

IBRANI 5:13

Mian anu daagi' monginum susu alati'nyo ia daagi' bunga mea'; ia ma'isa ko'anu nu pisumbu-sumbu' mongkona apaa na anu totu'u ka' apaa na anu sala'.

YAKOBUS 3:1

To Utu-utus! Boli manjoo' na anu mongka'oho' timbali gulu' atina' hi komiu. Osumbu' miu saba' kita anu timbalimo gulu' de oputusimo lebe o pekangi molingkudui mian sangga'at.

1 PETRUS 2:2

Tionyo ahi' komiu timbali sumo bunga mea' anu sala'je i hampe, saja' megot kahanda' monginum susu nu rohani anu madi' ko galo'nyo. Desumo aitu yo belemiu tumuu' ka' oposalamat.