ROMA 2:17 - KITAB NU TUMPU ALLA LELE MA'IMAI'

¹⁷ Panyo uuka posi komiu mosia to Utu-utus? Kita Utus mangaku mian nu Yahudi. Kita Utus mintoong i atulan nu agama Yahudi, ka' kita Utus mongoa'i daka' na kinyonyoa i pompahasumbu'an nu kita Utus tiba Tumpu.

ROMA 2:17 ပူးပေါင်းရင်းမြစ်များ

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

LUKAS 10:28

“Pinontaamium aijo' totu'u,” koonyo i Yesus. “Baumo na aijo' da beleyum tumuu'.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 5:45

Boli monsangka Aku mompisala'i komiu i ahop nu Tuuma. Ola ahi' anu mompisala'i komiu, aijo'mo i Musa, ia na anu otaha'imani miu.

YOHANES 7:19

Te misa' i Musa nombee'imo pale-palentah nu Tumpu hi beleyum? Panyo itina' hi komiu madi' ko anu mombatuki pale-palentah haha aijo'. Ka' kadaka' komiu kahanda'mo mompatei Aku?”

YOHANES 8:33

“Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

YOHANES 8:41

Komiu mombau apaa na anu binau nu posi tuuma miu.” Tinaaman nu aha, “Kami misa' ana-anak bule. Tuuma mami ola sa'angu', aijo'mo samata-mata Tumpu.”

ROMA 2:23

Kita Utus mombuulakon tukonto, kita Utus daagi' ko atulan i Musa, yo aitu posi kita Utus mompopo'ise' Tumpu tiba mule' madi' montapali atulan-Nyo.

ROMA 3:27

Mokonyo aitu madi' ko pintoongan hi kita mongkabubuunakon. Kadaka' sumo aitu? Ugaat kalana kita mombau anu tuli-tulis i uno nu atulan nu agama Yahudi? Misa'. Panyo kalana kita palesaya.

ROMA 9:32

Kadaka' aha madi' mohumpak hasinnyo? Kalana aha mombau aijo' madi' palesaya hi Tumpu, panyo ola posi tanga'an nu aha. Sahingga aha notua'mo tinosumpun i “Batu Tosumpunan”.

2 KORINTUS 11:22

Mian nu Ibrani ugaat na aha! Aku singkona mian nu Ibrani. Mian anu Israel ugaat na aha? Aku singkona mian nu Israel. Lee' i Abraham ugaat na aha? Aku singkona sumo aijo'.

GALATIA 2:15

Memang de o'ala ihannyo pinohampe, kami mian nu Yahudi ka' misa' “mian misa' Yahudi anu baladosa'”.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!

ANU PINOTO'I HI YOHANES 3:1

“Toka hi malaikat anu kiijo' hi jama'at nu Sardis, tulismo sumo uuka: Aiyamo na potuunon lengkat mae hi Ia anu montumpui popitu' na Roh lengkat mae hi Tumpu, ka' popitu' na mandala' aijo'. Kusumbu' apaa na anu obau miu. Koonyo belemiu daagi' tumuu', padahan belemiu i natemo!

ANU PINOTO'I HI YOHANES 3:9

O inau' na aiya: To mia-mian anu tinimbalimo mian nu Ibilis aijo', to bale-baleko' anu mangaku butongnyo Yahudi padahan misa', Ku bauje sahingga aha toka tolodadupu i ahop miu. Ka' nu sumbu'je nu aha na Aku taalu' mongkalibosi belemiu.