ROMA 2:15 - KITAB NU TUMPU ALLA LELE MA'IMAI'

¹⁵ Kalakuan nu aha na mompotiju' apaa na anu pinalentakon nu atulan aijo', tuli-tulis i uno nu kinyonyoa nu aha. Kinyonyoa nu aha suele momponyata' hahan aijo', kalana posi aha toto minsan o pisala'i ka' toto minsan opototu'u nu pikilan nu aha.

ROMA 2:15 ပူးပေါင်းရင်းမြစ်များ

KAJADIAN 20:5

Posi i Abraham na nontaloakon tukoonyo boune aijo' utusku ise', ka' boune aijo' suele notatae sumo aijo'. Ma'ima' hondo na kinyonyoangku nolakukanmo han aijo', jadi aku madi' ko sala'nyo.”

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

ANU MOMPOLELE POTATAE NU TUMPU 7:22

Beleyum nonsumbu' suele; saba' mian sangga'at toho'mo suele tinotobi'akon nu beleyum.

YOHANES 8:9

Salatan nohongo i Yesus nontaloakon sumo aijo', i nambamo na aha nompala'i tampat aijo' toto samian lengkat pe'e i anu lebe motu'amo. Ahennyo i Yesus me sausa'nyo i kiijo' tiba boune anu daagi' tinjo-tinjo i katinjoannyo.

SISIKON NU TO RASUL-RASUL 23:1

I Paulus nontonto'i to pangka-pangkat nu Mian Kopian Daka' nu Agama aijo', lantas notatae, “To Utu-utusku! Toka sinaa aiya aku madi' mongoa'i ko sala'nyo hi Tumpu i uno nu kinyonyoangku mongkona kantumuu'anku.”

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

ROMA 2:14

To mia-mian bansa sangga'at madi' monsumbu' atulan nu agama Yahudi. Panyo de posi kahanda' nu aha na mombau apaa na pinalentakon nu atulan aijo', posi kinyonyoa nu aha na timbali atulan nu aha, mau mule' aha madi' monsumbu' atulan nu agama Yahudi.

ROMA 2:27

Ka' to mia-main anu madi' sinunat aijo' mompisala'imo kita Utus mian nu Yahudi, kalana kita Utus daagi' ko atulan nu agama Yahudi, ka kita Utus sinunatmo, panyo kita Utus molanggai atulan aijo'. Aha madi' sinunat, panyo ahamo na anu montanga'imo atulan nu agama Yahudi.

ROMA 9:1

Apaa na anu kutaloakon aiya memang totu'u, kalana aku i Kristusmo na tumpunyo. Aku madi' baleko'. Kinyonyoangku anu pinotiju'mo nu Roh nu Tumpu mompohoson pikilanku, memang potataengku aiya totu'u.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!