ROMA 2:14 - KITAB NU TUMPU ALLA LELE MA'IMAI'

¹⁴ To mia-mian bansa sangga'at madi' monsumbu' atulan nu agama Yahudi. Panyo de posi kahanda' nu aha na mombau apaa na pinalentakon nu atulan aijo', posi kinyonyoa nu aha na timbali atulan nu aha, mau mule' aha madi' monsumbu' atulan nu agama Yahudi.

ROMA 2:14 ပူးပေါင်းရင်းမြစ်များ

SISIKON NU TO RASUL-RASUL 10:35

Mian anu mabuhuk hi Tumpu ka' mombau anu ma'ima', mian aijo' otalima nu Tumpu, madi' mompile'i ia bansa apaa.

SISIKON NU TO RASUL-RASUL 14:16

Tempo'nyo naipuan mae Tumpu nompojohokmo to bansa-bansa tumuu' mombatuki posi pongka'oho' nu aha.

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 2:12

To mia-mian bansa sangga'at baladosa' panyo madi' monsumbu-sumbu' atulan nu agama Yahudi. Jadi aha ohukum i sambiha'nyo nu atulan aijo'. Panyo to mia-mian Yahudi baladosa' salatan nonsumbu'mo atulan aijo'; mokonyo aijo' aha ohukum suele susumo koonyo nu atulan aijo'.

ROMA 2:15

Kalakuan nu aha na mompotiju' apaa na anu pinalentakon nu atulan aijo', tuli-tulis i uno nu kinyonyoa nu aha. Kinyonyoa nu aha suele momponyata' hahan aijo', kalana posi aha toto minsan o pisala'i ka' toto minsan opototu'u nu pikilan nu aha.

ROMA 2:27

Ka' to mia-main anu madi' sinunat aijo' mompisala'imo kita Utus mian nu Yahudi, kalana kita Utus daagi' ko atulan nu agama Yahudi, ka kita Utus sinunatmo, panyo kita Utus molanggai atulan aijo'. Aha madi' sinunat, panyo ahamo na anu montanga'imo atulan nu agama Yahudi.

1 KORINTUS 11:14

Nusumbu' nu mian da'isan komiu pinogulu'mo, taalu' de mo'ane mingubak mantan, aijo' sa'angu' na han anu madi' patut.

1 KORINTUS 9:21

Toka hi mian anu misa' Yahudi, aku montiho susumo samian anu misa' Yahudi, anu tumuu' i sambiha'nyo nu atulan i Musa. Kubau na aijo' da aku timbali moko ala mongendei aha mombatuki i Kristus. Panyo aijo' misa' alati'nyo saba' aku madi'mo mohongo-hongo palentah haha aijo' nu Tumpu; aku na kinuasanmo ahi' nu palentah haha aijo' i Kristus.

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

EFESUS 2:3

Naipuan mae kita iwi-iwi' suele pokakanamo tiba aha; kita tumuu' nombatukimo tabiat nu mian ka' nombaumo apaa na anu moko sanang butong ka' pikilanto. Tempo'nyo aitu kita singkona to mia-mian anu tinambuha'anmo nu Tumpu. Pokakanamo sumo to mia-mian sangga'at.

PO'ULE' INGULIT 4:7

Bansa daka' iya na anu ko pilogotnyo ka' anu ohani hondo aijo' de opalaluimo susumo Tumpu Allah-nto ohani hondo hi kita? Ia montaami de kita momoitamo tulung hi Ia.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.