ROMA 2:12 - KITAB NU TUMPU ALLA LELE MA'IMAI'

¹² To mia-mian bansa sangga'at baladosa' panyo madi' monsumbu-sumbu' atulan nu agama Yahudi. Jadi aha ohukum i sambiha'nyo nu atulan aijo'. Panyo to mia-mian Yahudi baladosa' salatan nonsumbu'mo atulan aijo'; mokonyo aijo' aha ohukum suele susumo koonyo nu atulan aijo'.

ROMA 2:12 ပူးပေါင်းရင်းမြစ်များ

MATIUS 11:22

Inau'mo tempo' Sinaa Kiamat, sahanyo to mia-mian nu Tirus ka' Sidon na lebe dengke na o ampuni nu Tumpu ka' de mule' komiu!

MATIUS 11:24

Inau'mo, Sinaa nu Kiamat sahanyo mian nu Sodom na lebe dengke na o ampuni nu Tumpu, ka' de mule' komiu!”

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

SISIKON NU TO RASUL-RASUL 2:23

Posi pongka'oho'-Nyo na Tumpu nomputusi da obee' na i Yesus hi komiu. Ka' salatan binee' na Ia, komiu nompateimo Ia ka' nompojohokmo to mia-mian ma'idek nonsalib Ia.

ROMA 1:32

Nusumbu' nu aha, tukoonyo atulan nu Tumpu, mian anu mombau aijo' iwi-iwi' tionyo ohukum mate. Mau mule' sumo aijo' nubau ahi' nu aha na hahan aijo'; tiba mule' monsetujui mian sangga'at mombau.

ROMA 4:15

Atulan nu agama Yahudi molubatakon hukuman nu Tumpu. Panyo de madi' ko atulan, tantu madi' ko anu olanggai.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

1 KORINTUS 9:21

Toka hi mian anu misa' Yahudi, aku montiho susumo samian anu misa' Yahudi, anu tumuu' i sambiha'nyo nu atulan i Musa. Kubau na aijo' da aku timbali moko ala mongendei aha mombatuki i Kristus. Panyo aijo' misa' alati'nyo saba' aku madi'mo mohongo-hongo palentah haha aijo' nu Tumpu; aku na kinuasanmo ahi' nu palentah haha aijo' i Kristus.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 3:22

Panyo i uno nu Kitab nu Tumpu tinulismo, iwi-iwi' na manusia daagi' i uno nu kakuasa'an nu dosa'. Mokonyo aijo', anu obee' jina-jinanji'mo mimpu'u i palesaya hi Yesus Kristus obee' aijo' hi aha anu palesayamo.

PO'ULE' INGULIT 27:26

‘Kinutukan na mian anu madi' montuluti sahondo-hondonyo atulan ka' pangajalan nu Tumpu Allah i uno nu palabuatan.’ ‘Amin!’ ”

YAKOBUS 2:10

Mian anu nolanggaimo sala'sa'angu' na to atu-atulan nu Tumpu, sumo-sumomo nolanggaimo iwi-iwi'.