ROMA 16:7 - KITAB NU TUMPU ALLA LELE MA'IMAI'

⁷ Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

ROMA 16:7 ပူးပေါင်းရင်းမြစ်များ

YESAYA 45:17

Panyo Israel nuposalamatmo nu Tumpu; kasalamatannyo madi' ola sasaingoni'. Belemiu madi'mo opopo ambang ka' o'alu sampe toka sidu-sidutu'.’ ”

YESAYA 45:25

Panyo lee' mae i Yakub saidi' mae oposalamatmo, ka' aha mompuji'mo mae Aku, Tumpu.

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 15:2

To panga-panga' anu hi beleng-Ku anu madi' mimbua' nu tutu'akon-Nyo, ka' to panga-panga' anu mimbua' nuga'ai na hoon-Nyo ka' nu tetep da lebe mahampe na bua'nyo.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

ROMA 16:10

Salan do'angku hi Apeles. Tinoamo na bukuti'nyo ia tulu-tulutan hondo hi Kristus. Salan do'angku suele hi sampoto utusan i Aristobulus,

ROMA 16:11

ka' hi Herodion. Ia sa'a-sa'angu'mo na tulunan nu bansa tiba aku. Sumo aitu mule' salan do'angku hi to utu-utus anu sa'agama i uno nu sampotoutusan i Narkisus.

ROMA 16:21

I Timotius, sangalungku, mompotoka salan do'anyo hi komiu. Sumo aitu mule' na i Lukius, i Yason ka' i Sosipater anu sa'a-sa'angu'mo na tulunan nu bansa tiba aku.

ROMA 16:3

Potokakon na salan do'angku hi Priskila ka' hi Akwila, to sanga-sangalungku anu nokalaja hingga-hinggat bau kapentingan i Kristus Yesus.

ROMA 16:6

Salan do'angku suele hi Maria. Ia nokalajamo sumo aijo' na kokekenyo kalana kapalaluan miu.

ROMA 16:8

Salan do'a hi Ampliatus, anu ku kukalibosi, kalana ia hingga-hinggat tiba aku nosa'angu'mo tiba Tumpu.

ROMA 16:9

Potokakon na tabea'ku hi Urbanus, sangalunto anu nokalajamo hingga-hinggat tiba kita kalana kapentingan i Kristus. Sumo aitu mule' tabea'ku hi Stakhis anu ku kukalibosi.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

ROMA 8:11

De i Kristus sinilaka, pino tumuu' nu Roh nu Tumpu, tumuu' i uno nu butongum, saba' Ia anu nompotumuu' i Kristus tempo'nyo Ia sinilaka aijo' sueleje mompotumuu' butongum anu timbali silaka aijo'. Ia mombau aijo' nu Roh-Nyo anu tumuu' i uno nu butongum.

ROMA 9:3

kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 12:2

Kusumbu' samian na Kristen u'utu mae sampulu'mo ka' opat na taun anu i hikuhakonmo, i hangkatmo nokiita' i tampat anu matangkas hondo i suluga'. (Aku madi' monsumbu' pa' butongnyo totu-totu'u tinahangkat kabai ola susumo anu kinohiabakon – ola Tumpu Allah na monsumbu'.)

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 1:22

Sampe tempo'nyo aitu to jama-jama'at Kristen i Yudea ma'isa nonsumbu' pa' ihe na aku.

GALATIA 2:2

Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma.

GALATIA 2:6

Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

GALATIA 6:15

Sinunat kabai madi' sinunat, aijo' madi' palalu. Anu palalu aijo'mo timbali manusia bu'ou.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

KOLOSE 4:10

I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)

FILEMON 1:23

I Epafras, anu aiya sama-sama tiba aku i uno nu talungku' kalana i Kristus Yesus, nompakatu salan do'anyo hi beleyum.

1 YOHANES 4:13

Kalana Tumpu nombee'imo kita Roh-Nyo, jadi osumbu'tomo taalu' kita tinumuu'mo nosa'angu' tiba Tumpu, ka' Tumpu nosa'angu'mo tiba kita.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 1:9

Aku i Yohanes, utus miu anu suele sumo belemiu i uno nu kasansala'an salaku mian anu pinalesayamo hi Kristus. Kita tionyo ahi' sabaan na mongoa'i kasansala'an salaku mian, anu Iamo na tumpu-Nyo. Aku ingalin nokiijo' i togong nu Patmos kalana aku nompolelemo potuunon lengkat mae hi Tumpu, anu pinohosonmo na kinyonyoangku nu han anu binaumo i Yesus.