ROMA 16:5 - KITAB NU TUMPU ALLA LELE MA'IMAI'

⁵ Potokakon suele na salan do'angku hi jama'at anu saja' toka sihuk i laigan nu aha. Salan do'a hi Epenetus anu ku kukalibosi. Iamo na mian anu momonanyo pinalesaya hi Kristus i da'erah nu Asia.

ROMA 16:5 ပူးပေါင်းရင်းမြစ်များ

MATIUS 18:20

Kalana iya na mian ua'aha kabai totolu' na mogombu kalana Aku, Aku toka i totonga' nu aha.”

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 18:27

Lapas aitu i Apolos batanga'mo mamba mokiijo' i Akhaya. Sahingga to mia-mian anu palesaya hi Yesus anu i kiijo' i Efesus nontulis sulat toka hi to utu-utus anu palesaya kiijo' i Akhaya da aha mongka'oho' montalima i Apolos. Ka' tempo'nyo i Apolos tinokamo i Akhaya, ia nontulungi' aijo' kino gunanyo hondo hi to mia-mian, anu kalana balakat nu Tumpu pinalesayamo hi Yesus.

SISIKON NU TO RASUL-RASUL 2:9

Kita to mia-mian lengkat i Partia, Media, Elam; lengkat i Mesopotamia, Yudea, ka' i Kapadokia; lengkat i Pontus ka' i Asia,

ROMA 11:16

De sandihis na roti anu momona binee'mo hi Tumpu, aijo' alati'nyo iwi-iwi' na roti obee'mo hi Tumpu. Ka' de bakat nu kau' anu Nu Tumpu, aijo' alati'nyo to panga-panga'nyo anu-Nyomo suele.

ROMA 15:26

Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

ROMA 16:12

Salan do'angku hi Trifena tiba hi Trifosa anu nake-nakeke na nokalaja montuluti palentah nu Tumpu, ka' hi Persis anu ku kukalibosi. Ia suele nakekemo na nokalaja kalana kapentingan nu Tumpu.

ROMA 16:4

Aha kiniboli' sinilakamo kalana mongka'oho' momposalamat aku. Aku montalima kaseh hi aha – ka' misa' ola aku, panyo iwi-iwi' na jama'at bansa sangga'at anu misa' Yahudi suele montalima kaseh hi aha.

ROMA 16:6

Salan do'angku suele hi Maria. Ia nokalajamo sumo aijo' na kokekenyo kalana kapalaluan miu.

ROMA 16:8

Salan do'a hi Ampliatus, anu ku kukalibosi, kalana ia hingga-hinggat tiba aku nosa'angu'mo tiba Tumpu.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

1 KORINTUS 16:19

To jama-jama'at i Asia mompotoka salan do'a nu aha hi komiu. I Akwila ka' i Priskila tiba Jama'at anu sinihuk i laigan nu aha suele nompakatu mae salan do'a daka-daka' salaku salan do'a nu mian Kristen.

2 KORINTUS 1:1

To Utu-utus jama'at nu Tumpu i Korintus tiba iwi-iwi' mian anu palesayamo hi Tumpu songko-songko i Akhaya. Aku, i Paulus, rasul i Kristus Yesus, anu i hangkatmo kalana pongka'oho' nu Tumpu hingga-hinggat tiba Utusto i Timotius,

2 KORINTUS 9:2

Kusumbu' komiu mongka'oho' montulungi, ka' aku nombuulakonmo komiu hi to mia-mian i Makedonia. Tinaloakonkumo hi aha tukoongku lengkat pe'e i taun anu i hikuhakonmo, to Utu-utus i Akhaya nontoukaimo bau pontulungi. Ka' kasanangan nu kinyonyoa miu pinontihoanmo nu sambagian mian da'isan kiijo' hi aha.

KOLOSE 4:15

Potokakon na salan do'a mami hi to Utu-utus Kristen i Laodikia; ka' hi Nimfa, ka' hi jama'at anu mogreja i laigannyo.

FILEMON 1:2

ka' hi jama'at anu silimu' i laiganum; ka' suele hi utusto boune, i Apfia ka' sangalu sampo usahanto, i Arkhipus.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

3 YOHANES 1:1

Kita utus Gayus anu okanonongi! Aku, polaya' nu jama'at, anu totu-totu'u mongkalibosi beleyum,

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.