ROMA 16:12 - KITAB NU TUMPU ALLA LELE MA'IMAI'

¹² Salan do'angku hi Trifena tiba hi Trifosa anu nake-nakeke na nokalaja montuluti palentah nu Tumpu, ka' hi Persis anu ku kukalibosi. Ia suele nakekemo na nokalaja kalana kapentingan nu Tumpu.

ROMA 16:12 ပူးပေါင်းရင်းမြစ်များ

MATIUS 5:47

Ka' de komiu mombee'i salan do'a ola hi to sanga-sangaluyum, apaa na ka'ima'annyo? To mia-mian anu madi' monsumbu' Tumpu suele mombau sumo aijo'?

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

ROMA 16:11

ka' hi Herodion. Ia sa'a-sa'angu'mo na tulunan nu bansa tiba aku. Sumo aitu mule' salan do'angku hi to utu-utus anu sa'agama i uno nu sampotoutusan i Narkisus.

ROMA 16:13

Salan do'angku hi Rufus ka' hi tinanyo anu sumo-sumomo tinangku. I Rufus mian anu pinile'anmo nu Tumpu ka' talapuji'.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

1 KORINTUS 16:16

Totu-totu'u kupoto'i da komiu mohongo-hongo pongatun nu to mia-mian anu sumo aijo', tiba to mia-mian sangga'at anu mompahakalaja mompolele Lele Ma'ima' ka' mongatun hingga-hinggat tiba aha.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 TIMOTIUS 4:10

Aijo' na sababnyo kita mompagala ahi' bala usaha mokalaja totu-totu'u, kalana kita montaha'imani ahi' totu-totu'u hi Tumpu Allah anu tumuu'; Iamo na anu Momposalamat iwi-iwi' na mian, ka' anu talalo hondo to mia-mian anu pinalesayamo.