ROMA 15:8 - KITAB NU TUMPU ALLA LELE MA'IMAI'

⁸ Kalana, o inau', i Kristus nongajanmo mian nu Yahudi bau pomposumbu' saba' Tumpu madi' baleko' nongganapimo iwi-iwi' na janji'-Nyo hi mompolee'to.

ROMA 15:8 ပူးပေါင်းရင်းမြစ်များ

AMSAL 8:7

Anu ku taeakon iwi-iwi' to tu'u, kalana ku ka'ideki na baleko'.

MATIUS 15:24

I Yesus nontaami, “Aku sinai ola ahi' mamba hi bansa Israel, posi hi aha anu sala' na jalan.”

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

ROMA 11:30

U'utu mae komiu madi' mohongo-hongo Tumpu. Panyo uuka aiya Tumpu nompoto'imo tukoonyo komiu pinobebasmo i kasala'an, kalana to mia-mian Yahudi madi'mo mohongo-hongo.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 3:26

Panyo uuka aiya Ia nontantukanmo kaputusan nu dosa' bau pomponyata' ka'adinan-Nyo. Tiba jalan aijo' Ia mompotoamo saba' butong-Nyo totu'u; ka' batu-batu mian anu palesayamo hi Yesus Kristus nutantukanmo mian anu po'ule'mo nompaha ima' tiba Tumpu Allah.

ROMA 3:3

Panyo mosia de sambagian na mian nu Yahudi madi' mohongo-hongo? Pa' kalana aijo' sahingga Tumpu madi'mo mongkalibosi aha?

ROMA 4:16

Jadi janji' nu Tumpu aijo' mimpu'u i palesayanyo nu mian hi Tumpu. Aijo' na timbali sa'angu' bau pintoongan hi iwi-iwi' lee' i Abraham, taalu' janji' aijo' obee' hi aha salaku sa'angu' na taju anu halala' lengkat mae hi Tumpu; misa' ola hi aha anu tulu-tulutan i atulan nu agama Yahudi, panyo suele hi aha anu palesaya hi Tumpu pokakana sumo i Abraham palesaya hi Ia. Kalana i Abraham aijo' tuumanto, kita ingko-ingkot i uno nu kapalesaya'an.

1 KORINTUS 1:12

Anu nukona nu potataengku aijo'mo saba' itina' hi komiu daagi' ko anu notatae, “Aku mombatuki i Paulus,” daagi' mule' ko anu notatae, “Aku mombatuki i Apolos,” sangga'at notatae, “Aku mombatuki i Petrus,” ka' sangga'at mule' notatae, “Aku mombatuki i Kristus.”

1 KORINTUS 10:19

Apaa na anu ku ku kahanda'i mongkona han aijo'? Pilogot kabai kaanon anu osombahkon hi pilogot aijo' madi' kokaliangannyo apa-apaa.

1 KORINTUS 10:29

Anu ku kukahanda'i misa' anu o'oa'i nu kinyonyoaum, panyo anu nu'oa'i nu kinyonyoa nu mian aijo'. Tantu daagi' ko anu mompokilawa, “Ah, kadaka' kabebasan, nukinyonyoangku mongalamo anu nu o'oa'i nu kinyonyoa nu mian sangga'at?

1 KORINTUS 15:50

Anu nupatui nu potataengku to Utu-utus, aijo'mo butong anu baso' ka' antok na pinotimbali, madi' moko ala minsoop i Dunia Bu'ou nu Tumpu; ka' butong anu timbali silaka madi' moko ala tumuu' sidu-sidutu'.

2 KORINTUS 1:20

Kalana montului Ia Tumpu notataemo “Ii'” hi iwi-iwi' na anu jinanji'-Nyomo. Mimpu'u i aijo' sahingga kita montaloakonmo “Amin” hi Tumpu kalana i Yesus Kristus. Kami mombau sumo aijo' da Tumpu opopodaka'.

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.