ROMA 15:4 - KITAB NU TUMPU ALLA LELE MA'IMAI'

⁴ Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 15:4 ပူးပေါင်းရင်းမြစ်များ

MAZMUR 102:18

Nu hongomo na do'a nu mian anu palesayamo hi ia aijo'mo mian anu talalomo hondo sinusa', ka' nu talimamo na do'a nu aha.

MAZMUR 119:50

Aiyamo na mohase' aku i uno nu kasala'anku, kalana anu jinanji'mo nu Belento aijo' mombee'i aku kantumuu'an.

HABAKUK 2:2

Tumpu nontaami mae aku sumo uuka, “Tulis ima-ima' isahompak na tano' pinto ka' opotalang ahi' apaa na anu Ku poto'i hi beleyum da dengke na mombasa'.

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

1 KORINTUS 10:11

Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.