ROMA 15:31 - KITAB NU TUMPU ALLA LELE MA'IMAI'

³¹ Balado'a da Tumpu molapasakon aku i lima nu to mia-mian anu madi' palesaya kiijo' mae i Yudea, da kalajangku momboa pontulungimo kiijo' i Yerusalem otalima nu kinyonyoa sanang nu mian anu palesayamo hi Tumpu kiijo' mae.

ROMA 15:31 ပူးပေါင်းရင်းမြစ်များ

SISIKON NU TO RASUL-RASUL 22:24

Sahingga kapala nu suludadu nu Roma aijo' nonsai da i Paulus oboa mokiijo' i kajojoongan nu suludadu da ia opalesa i kiijo' totu-totu'u, da osumbu' apaa na sababnyo to mia-mian nu Yahudi moloboo' sumo aitu mongkona ia.

SISIKON NU TO RASUL-RASUL 25:2

I kiijo' mae to kapa-kapala nu imam ka' to pola-polaya' nu Yahudi nompotoka hi ia palakala nu aha mongkona i Paulus. Aha saja'mo monsale'i i Festus

SISIKON NU TO RASUL-RASUL 25:24

Lantas i Festus notatae, “Mian Daka' Agripa ka' batu-batu anu sinilimu'! Mian aiya kinalaakmo hi belengku nu songko-songko bansa Yahudi anu i Yerusalem mau pe'a anu i aiya. Nolo-noloboo' na aha nontuntut tukoonyo ia madi' pantas na opobee' tumuu'.

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 15:25

Panyo uuka aiya aku mongka'oho'mo mamba i Yerusalem momboa pontulungi mian anu pinalesayamo hi Tumpu kiijo' mae.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

2 KORINTUS 1:10

Iamo na anu nomposalamatmo kami i balaa' nu kapatean anu daka' aijo'. Ka' Iamo suele na momposalamat kami i sinaa imihinyo mae, kalana ola hi Ia na kataha'imanan mami.

2 KORINTUS 8:4

aha nomoita sabole-bole hi kami de timbali da aha suele mombee'i pontulungi hi mian anu palesayamo hi Tumpu i Yudea.

2 KORINTUS 9:1

De o'ala i kahondoannyo madi'mo daagi' palalu aku montulis sulat toka hi komiu mongkona pontulungi anu opakatumo hi mian anu palesayamo hi Tumpu i Yudea.

2 KORINTUS 9:13

Ka' kanonongan anu pinotoamo miu aijo' manjoo' na mian Kristen i Yudea nompuji'mo Tumpu kalana aha nontoamo komiu mohongo-hongo hondo Lele Ma'ima' mongkona i Kristus anu nu nu tuluti miu aijo'. Aha singkona nompuji'mo Tumpu kalana komiu talalo manonong, nombagi-bagiakonmo hi aha ka' hi iwi-iwi' na mian sangga'at apaa na anu daagi' hi belemiu.

1 TESALONIKA 2:15

To mia-mian haha aijo'mo na anu nompateimo i Tumpu Yesus, ka' to nabi-nabi, ka' nongkabisa'imo kami. Aha nompo'uwaliakonmo iwi-iwi' na mian, ka' Tumpu madi'mo hondo sinanang hi aha.

2 TESALONIKA 3:2

Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.