ROMA 15:26 - KITAB NU TUMPU ALLA LELE MA'IMAI'

²⁶ Kalana to jama'-jama'at i Makedonia ka' i Akhaya nonsetujuimo mombee'i pontulungi to Utu-utus anu kasiasi, hi mian anu palesayamo hi Tumpu kiijo' mae i Yerusalem.

ROMA 15:26 ပူးပေါင်းရင်းမြစ်များ

2 KORINTUS 9:12

Kalana palabuatan anu ma'ima' bibinaumo miu aiya misa' ola da momposukup kakulangan nu mian anu pinalesayamo hi Tumpu, panyo mule' suele mompotuka'mo mian da'isan da montalima kase hi Tumpu.

2 KORINTUS 9:2

Kusumbu' komiu mongka'oho' montulungi, ka' aku nombuulakonmo komiu hi to mia-mian i Makedonia. Tinaloakonkumo hi aha tukoongku lengkat pe'e i taun anu i hikuhakonmo, to Utu-utus i Akhaya nontoukaimo bau pontulungi. Ka' kasanangan nu kinyonyoa miu pinontihoanmo nu sambagian mian da'isan kiijo' hi aha.

FILEMON 1:5

Kalana i hongongkumo, taalu' kita Utus totu-totu'u pinalesayamo hi Tumpu Yesus ka' mongkalibosi iwi-iwi' mian anu pinalesayamo hi Tumpu.

1 KORINTUS 16:15

Kita Utus tantu monsumbu' i Stefanus ka' aha sa'anakan; aha na momonanyo tinimbali Kristen i Akhaya. Buke-buke' na kinyonyoa nu aha nokalaja samata-mata mongatun mian anu palesayamo hi Tumpu Allah.

SISIKON NU TO RASUL-RASUL 18:12

Salatan i Galio tinimbalimo gubernur nu Akhaya, to mia-mian Yahudi nosa'angu'mo mongewa i Paulus ka' nomboamo ia mokiijo' hi anu momputusi.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

LUKAS 14:13

Jadi, de beleyum mombau bau-bauon, opaso mian kasiasi, mian panyakiton, mian lupe tiba mian mapisok.

LUKAS 6:20

I Yesus nontoa anu saja' mombatuki Ia, lantas notatae, “Bila-bilahi na komiu to mia-mian kasiasi, kalana komiu minsoop mian anu palesayamo hi Tumpu!

MATIUS 26:11

Mian kasiasi saja' atina' hi komiu, panyo Aku madi' saja' hingga-hinggat hi komiu.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

ZAKHARIA 11:11

Isinaamo aijo' na palajanjian ai-aijo' madi'mo daagi' osidahakon. To pada-padagang domba haha aijo' no mata-mataimo mae aku ka' aha sininsumbu'mo talu' iwi-iwi' na palabuatanku aijo'mo na salaku potatae nu Tumpu.

ZAKHARIA 11:7

Aku, i Zakharia, lantas tinamboanmo nu to pada-padagang domba da molaya' domba-domba anu okolotmo. Aku daagi' ko tokon ohua'; sa'angu' sinanggohanku, i “Kanonongan” ka' sa'angu' mule' i “Posegot”. Lapas aijo' jinagaankumo ka' lewa'mo pinotuu'ku na domba haha aijo'.

AMSAL 17:5

Ihe an mongkokojoi mian anu talalo kasiasi; mongalu Tumpu anu nompotimbali ia. Ihe na ola bilahi montoa kasusa'an nu mian, tionyo mohumpak hukuman.

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

AMSAL 14:21

Ihe na mongalu mian sangga'at mombaumo dosa'; panyo ihe na mongkanonongi mian kasiasi saidi' mae kantumuu'annyo sanang.

SISIKON NU TO RASUL-RASUL 9:13

Tinaaman i Ananias, “Kita Tumpu, aku nohongomo da'isan na mian notatae mongkona mian aiya, anu talalo hondo binaunyo, hahan lewa' mongkabisa'i mian anu palesayamo hi Kita Tumpu kiijo' i Yerusalem.

SISIKON NU TO RASUL-RASUL 16:12

Lengkat i kiijo' kami nokiijo'mo i Filipi, sa'angu' na kota Kacamatan anu momona otokai i Makedonia. Filipi pinalentah nu kalaja'an Roma. I kiijo' mae kami jinojoong tino pia-pian sinaa.

SISIKON NU TO RASUL-RASUL 19:21

Salatan haha aiya ilapasmo, i Paulus nompatantumo da mamba mokiijo' i Makedonia ka' i Akhaya, lantas lausmo mokiijo' i Yerusalem. “Ilapas nokiijo',” koonyo i Paulus, “aku mule' tionyo mamba mokiijo' i Roma.”

1 KORINTUS 16:5

Aku mambaje hi komiu de aku moko lapasmo sonsoo' i Makedonia, kalana aku ko niat sonsoo' i kiijo' mae.

2 KORINTUS 1:16

Aku ko kahanda' mamba montoa komiu de aku mambamo i Makedonia ka' po'ule' sonsoo' hi komiu de minsusule'mo mae, da komiu timbali montulungi aku molausakon lajangku mokiijo' i Yudea.

2 KORINTUS 2:13

Panyo aku madi' sanang, kalana madi' siningkabot tiba utusto i Titus kiijo' mae. Sahingga aku nomoita siloloa hi to mia-mian i tampat kiijo' lantas namba i Makedonia.

2 KORINTUS 7:5

Tempo'nyo mule' kami tinoka i Makedonia, kami madi' toho' kino kasampatan nilawe. Iwi-iwi' na han pinohumpakanmo mami kasusa'an: lengkat mae hi sangga'atan mompainggagakon, i uno nu kinyonyoa nabuhukmo.

2 KORINTUS 9:4

Aku bata-bata ihe na monsumbu' daagi' ko to mia-mian nu Makedonia anu mombatuki aku hingga-hinggat saidi' mae de aku mambamo hi komiu. Ka' de nutokai nu aha na komiu ma'isaje nontoukai, paya' na ko'ambangnyo na kami saidi' mae, kalana nontaloakonmo, kami palesaya hondo hi komiu! Ka' posi komiu singkona ma'ambangmo ahi'.

2 KORINTUS 11:9

De tempo'nyo aitu aku kinakulanganmo, aku madi' toho' nomposusa' samian pe'e itina' hi komiu. Iwi-iwi' na anu kupalalui tinoukan mae nu to Utu-utus anu tinoka lengkat mae i Makedonia. Pagala pinimpalianku ima-ima' da aku madi' momposusa' komiu i uno nu han mau mule' pa' apaa, ka' saja' kupimpali da sabole-bole sumo aijo'.

FILIPI 4:15

To Utu-utus mian nu Filipi! Posi komiu nonsumbu'mo hondo saba' tempo'nyo aku nompala'imo Makedonia u'utu mae, tempo'nyo Lele Ma'ima' aijo' binebakonkumo, anu ai-aitunyoje, ola komiu na jama'at anu nontulungimo mae aku; ola komiu na hingga-hinggat nongoa'imo untung ka' lugi' tiba aku.

1 TESALONIKA 1:7

Tiba anu sumo aijo' komiu timbali sonto' hi iwi-iwi' mian Kristen i Makedonia ka' Akhaya.

1 TESALONIKA 1:8

Kalana tinampu'unan lengkat mae hi komiu, na lele mongkona Tumpu tinogilelemo toka-toka i Makedonia ka' i Akhaya. Ka' misa' ola aitu; panyo lele mongkona mosia na komiu palesaya hi Tumpu Allah tinokamo iyaya mae, sahingga kami madi'mo palalu montaloakon apa-apaa.

1 TESALONIKA 4:10

Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.

1 TIMOTIUS 1:3

Ku kahanda'i da beleyum tataap jojoong i Efesus, sumo anu pagalamo pinoto'ingku hi beleyum tempo'nyo aku namba i Makedonia. Kalana i Efesus daagi' ko to pia-piangkuka na mian anu mombebakon pangajalan anu madi' totu'u, ka' beleyum tionyo mompobelenti aha.