ROMA 15:17 - KITAB NU TUMPU ALLA LELE MA'IMAI'

¹⁷ Jadi, kalana aku nosa'angu'mo tiba i Kristus Yesus, sahingga aku timbali mongoa'i lame' i uno nu kalajangku bau kapentingan nu Tumpu.

ROMA 15:17 ပူးပေါင်းရင်းမြစ်များ

ROMA 4:2

De hahan anu binaunyomo nonsabapi Tumpu nontalimamo ia salaku mian anu momposanang kinyonyoa nu Tumpu, aijo' yo daagi' ko pintoongan na ia de kobubuun. Panyo ia madi' moko ala buulon i ahop nu Tumpu.

2 KORINTUS 12:1

Memang madi' ko untungnyo na mombuulakon. Panyo aku mongka'oho' ahi' mombuulakon hahan anu pinoto'imo nu Tumpu Allah hi belengku, anu pinoto'i kabai anu pinotoa.

2 KORINTUS 7:4

Kupalesaya totu-totu'u na komiu. Ka' mule' kami sanang hondo hi komiu! Mau mule' kami mongoa'i manjoo' na kasusa'an, molumu hondo na kinyonyoangku kalana komiu. Kinyonyoangku bilahi hondo!

FILIPI 3:3

Padahan kitamo na to mia-mian anu nontalimamo sunat anu totu-totu'u misa' aha. Kita monsombah Tumpu posi Roh nu Tumpu na nompotuka', ka' kita montalima kase kalana kita tumuu' nosa'ngu'mo tiba i Kristus Yesus. Kita madi' taha'iman i to ada-adat anu ola mombatuki kabiasa'an nu dunia.

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

IBRANI 5:1

Batu-batu Imam Daka' opile'i hi aha mian anu palesayamo hi Tumpu, ka' o hangkat da mompojalan palentah nu Tumpu salaku wakin nu aha. Kalajanyo aijo'mo monsombahkon hi Tumpu, apa-apaa na obee' ka' okolobanakon bau pongampuni dosa'.