ROMA 15:16 - KITAB NU TUMPU ALLA LELE MA'IMAI'

¹⁶ Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 15:16 ပူးပေါင်းရင်းမြစ်များ

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 11:13

Panyo uuka aiya lebe ma'ima' aku basisik hi to Utu-utus anu misa' Yahudi! Sapinnyo uuka, salaku Rasul hi to bansa-bansa anu misa' Yahudi, aku talalo hondo mongangga'i kalajangku.

ROMA 15:18

Aku baani basisik sumo aijo' ola mongkona apaa na anu binaumo i Kristus hi belengku da mompotimbali to mia-mian anu misa' Yahudi mohongo-hongo Tumpu. Aku nompojalan aijo' tiba potatae, kabai mule' tiba hahan anu binaungkumo,

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.

ROMA 15:20

Anu ku kahanda'i aijo'mo mompolele Lele Ma'ima' anu lengkat mae hi Tumpu i tampat-tampat iya na anu ma'isa nohongo mongkona i Kristus. Kalana aku madi' mongka'oho' mombau kalaja opotinjo i mesen anu binau nu mian sangga'at.

ROMA 15:29

De aku toka hi komiu, tantu aku momboa manjoo' na balakat lengkat mae hi Kristus toka hi komiu.

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

1 KORINTUS 3:5

De o'ala i hondonyo, ihe na i Apolos aijo'? Ka' ihe na i Paulus? Kami ola to posa-posaihon nu Tumpu, anu nompotiju'mo hi komiu da palesaya hi Kristus. Kami ola mompojalanakon kalaja anu pinotoong nu Tumpu hi kami toto samian.

1 KORINTUS 4:1

Kami aijo'mo to posa-posaihon i Kristus anu mangaku mompolele tanga'an nu Tumpu anu ma'isa sinumbu' nu dunia.

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

2 KORINTUS 11:23

To posa-posaihon i Kristus ugaat na aha? De ohongo aku sumo anu i ningkotmo na pikilan, panyo aku memang posaihon anu lebe ma'ima' molingkudui aha iwi-iwi'! Aku mokalaja lebe makeke, aku lebe saja' oposoop i uno nu talungku', aku lebe saja' hondo sinakisa, ka' toto minsan mompai patemo.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

2 KORINTUS 8:5

Aha nombee'i molabii apaa na anu tinaha'imananmo mami. Aha momonanyo nombee' butong hi Tumpu, lapas aitu hi kamije suele sosok sumo pongka'oho' nu Tumpu.

GALATIA 3:5

Tumpu nombee'mo Roh-Nyo hi komiu ka' nompodaagi'mo anu okabangangi atina' hi komiu. Te Tumpu mombau aijo' kalana komiu mompojalan atulan nu agama kabai kalana komiu nohongomo Lele Ma'ima' aijo' ka' palesaya hi Kristus?

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 2:22

Kalana tumuu' nosa'angu'mo tiba i Kristus, komiu mule' hau-haunyo pinotinjomo hingga-hinggat tiba to mia-mian sangga'at da timbali sa'angu' na Laigan nu Tumpu; i kiijo' na Tumpu Allah jojoong tiba Roh-Nyo.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

1 TESALONIKA 2:2

Komiu monsumbu' saba' ma'isa pe'e kami tinoka hi komiu i Tesalonika, kami po'ule'mo kinabisa'an ka' pinopo'ambang kiijo' mae i Filipi. Panyo mau mule' manjoo' na mian mombahakon kami, Tumpunto nombee'imo kami kabaanian da mompolele hi komiu Lele Ma'ima' anu lengkat mae hi Ia.

1 TESALONIKA 2:9

Tantu komiu daagi' tonginau' mosia na kosigonyo na kami bala usaha ka' bakalaja. Sinaa ka' pihi kami mokalaja da kami madi' monsusa'i mau ola samian anu itina' hi komiu, tempo'nyo kami nompolele Lele Ma'ima' anu lengkat mae hi Tumpu aijo' toka hi komiu.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 TIMOTIUS 1:11

Ajalan aijo' daagi' i uno nu Lele Ma'ima' ka' anu mompolele pinalesayakonmo hi belengku, aijo'mo Lele Ma'ima' lengkat mae hi Tumpu anu opopodaka' ka' anu patut o puji'.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.