ROMA 15:13 - KITAB NU TUMPU ALLA LELE MA'IMAI'

¹³ Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 15:13 ပူးပေါင်းရင်းမြစ်များ

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

2 KORINTUS 9:8

Tumpu ko kuasa mombee'i komiu balakat anu molabi-labi, da komiu saja' daagi' ko anu opake; ka' mule' komiu saja' molabi-labi na mombau anu ma'ima' ka' manonong, na montulung mian.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

ROMA 15:5

O amalakon hi Tumpu anu nombee'i da sabaan ka' bau pohaase hi mian, montulungi komiu da tumuu' sambuku montuluti sonto' i Kristus Yesus.

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

1 TIMOTIUS 1:1

Timotius, anakku anu totu-totu'u palesayamo hi Tumpu! Sulat aiya lengkat hi belengku i Paulus, rasul i Kristus Yesus anu pinalentahmo nu Tumpu, Pomposalamat kita ka' palentah i Kristus Yesus anu otaha'imaninto. O'amalakon da Tumpu Tuumanto ka' i Kristus Yesus Tumpunto mombee'i balakat, kalibosan ka' ka'ima'an hi beleyum.

EFESUS 1:2

Aku, i Paulus, rasul i Kristus Yesus kalana pongka'oho' nu Tumpu Tuumanto, ka' Tumpunto i Yesus Kristus nombee'imo balakat ka' kabilahian hi belemiu.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

1 TESALONIKA 1:5

Kalana kami mompotokakon Lele Ma'ima' hi belemiu misa' ola potatae, panyo mule' tiba kuasa ka' tiba Roh nu Tumpu, ka' kami palesaya hondo na kahondoan lengkat i Lele Ma'ima'. Osumbu' miu mosia na kami tinumuu' nombaumo kapentingan miu tempo'nyo kami jinojoong itina' hi komiu.

YEREMIA 14:8

Ola-olanyomo Belento na anu taha'imani nu Israel, anu nomposalamatmo kami da madi' silaka. Panyo kadaka' Belento sumomo mian anu isalipu'an mae aiya ilipu' mami, sumomo mian anu ilumambanan ola' sinso' male' sampahu lantas mambamo?

1 KORINTUS 2:4

Lele anu pinotokakon hi komiu madi' pinotokakonku nu potatae anu mompagala mongendei susumo kapandean nu dunia. Aku nompotokakon aijo' tiba jalan momponyata', saba' Roh nu Tumpu Allah ko kuasanyo.

1 SAMUEL 1:18

Tinaaman i Hana, “Kutaha imani da aku ositujui mae nu belento Tuumangku.” Lapas aijo' ia nambamo lantas nongkaanmo; ka' ia madi'mo lewa' sinusa' na kinyonyoanyo.

ROMA 15:19

ka' mule' tiba hahan anu okabangangi ka' anu ma'isa toho' tinimbali; iwi-iwi' aijo' kalana kuasa nu Roh nu Tumpu Allah. Lele Ma'ima' mongkona i Kristus pinolelengkumo iwi-iwi' hi to mia-mian nolengkat pe'e mae i Yerusalem tinoka-toka i Ilirikum.