ROMA 15:1 - KITAB NU TUMPU ALLA LELE MA'IMAI'

¹ Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

ROMA 15:1 ပူးပေါင်းရင်းမြစ်များ

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:2

Daagi' ko mian anu ko tanga'an tukoonyo ia timbali mongkaan mau mule' apaa. Panyo daagi' ko mian sangga'at anu ola ue-uengke' na palesayanyo; nu oa'i anu ola timbali nukaan ola santo uta-utan.

ROMA 4:20

Ia tataap palesaya ka' madi' bata-bata i janji' nu Tumpu Allah. Ola o kalana palesayanyo nompotimbalimo ia da mompaka pahoson, sahingga ia saja' mompuji' Tumpu.

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 2:4

Opalahatikan na kapentingan nu mian sangga'at; boli ola kapentingan nu posi butong.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

1 YOHANES 2:14

Aku nontulismo toka hi belemiu, to Ana-anak kalana komiu nonsumbu'mo Tumpu Tuuma. Aku nontulismo toka hi belemiu to Tutuuma, kalana komiu nonsumbu'mo Potatae nu Tumpu anu polo-polo'mo daagi' salatanmo pe'e i momonanyo. Aku nontulismo toka hi komiu to Oli-olitau, kalana komiu mahoson. Potatae nu Tumpu Allah itina' i uno nu kinyonyoa miu, ka' komiu nohungku'imo Anu Ma'idek.