ROMA 14:6 - KITAB NU TUMPU ALLA LELE MA'IMAI'

⁶ Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

ROMA 14:6 ပူးပေါင်းရင်းမြစ်များ

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 12:42

Pihi-pihi aitu Tumpu nonjagaimo aha nonsabatakon mompala'imo Mesir. Ka' aijo'mo na pihi anu saja' osombahkon hi Tumpu salaku pihi anu saja' o inau'. Pihi aijo' mian nu Israel tionyo ahi' balajaga-jaga.

NOSABATMO 16:25

I Musa notataemo, “Aiyamo na anu okaan nu belemiu sinaa aiya, kalana sinaa aiya sinaamo nu Sabat, sinaa pilawean bau pongadati Tumpu, ka' belemiu madi'mo mongkabot anu okaan aijo' mau pe'e ola sangkiding i sambiha' nu pinombauan kemah.

YESAYA 58:5

De belemiu puasa, belemiu monsakisa butong nu belemiu; belemiu mompoduku ubak nu belemiu susumo hon nu hemput. Belemiu mompolatas kalung ka' okakambuhi nu abu', ka' male'mo aijo'. Aijo'mo na osanggohi nu belemiu puasa'? Osangka nu belemiu Aku sanang i palabuatan nu belemiu aijo'?

ZAKHARIA 14:21

Iwi-iwi' na kuhon anu daagi'i Yerusalem ka' mule' i songko-songko na Yehuda obee'mo samata-mata hi Tumpu, Tumpumo Anu Daka' na Kuasanyo na tumpunyo. Mian anu jojoong i Yerusalem de monsombahkonmo koloban na mompake da bau pongunjangan antok nu binatang anu opalasombahkon. De tokamo na tempo'nyo saidi' mae madi'mo daagi' ko padagang anu mobalu-baluk i Laigan nu Tumpu Anu Daka' na Kuasanyo.

MATIUS 14:19

Lapas aitu Ia nonsai mian da'isan aijo' da sumuhang i hemput. Lantas Ia nongala olima' na roti ka' ohua' na ikan, ka' nonsinda langit ka' nompoita balakat hi Tumpu. Lapas aijo' Ia nompuge-puge roti aijo' nu lima-Nyo ka' nombee' hi anu saja' mombatuki Ia da obagi-bagiakon hi mian da'isan aijo'.

MATIUS 15:36

Lapas aijo' Ia nongala popitu' na roti ka' ikannyo, lantas Ia nompoitamo talima kase hi Tumpu. Lapas aijo', Ia nompuge-pugemo roti ka' ikan aijo' nu lima-Nyo, ka' binee'-Nyo hi anu saja' mombatuki Ia. Ka' binagi-bagiakonnyo hi mian da'isan aijo'.

YOHANES 6:28

Lantas pinokilawa nu aha hi Ia, “Apaa na anu tionyo obau mami da montuluti pongka'oho' nu Tumpu?”

GALATIA 4:10

Komiu molame'akon to sina-sinaa anu tinantukanmo, to bitu-bitu'on anu tinantukanmo, ka' to taun-taun anu tinantukanmo.