ROMA 14:3 - KITAB NU TUMPU ALLA LELE MA'IMAI'

³ Mian anu mongkaan mau mule' apaa, boli mongalu mian anu mongkaan ola kaanon anu tinantukanmo; ka' mian anu mongkaan ola anu tinantukanmo, boli mule' mompisala'i mian anu mongkaan mau mule' apaa, kalana Tumpu nontalimamo ia.

ROMA 14:3 ပူးပေါင်းရင်းမြစ်များ

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MATIUS 9:14

Ilapas aijo' anu saja' mombatuki Yohanes anu Mompalamandikan tinoka hi Yesus. Lantas aha nompokilawa, “Kadaka' kami tiba to mia-mian nu Farisi bapuasa', yo aitu anu saja' mombatuki Kita Tuuma i madi'?”

LUKAS 18:9

I Yesus nonsisikakon suele kantuangan aiya anu pinatuakon hi mian anu montoa mian sangga'at madi' talakana', panyo mangaku posi butongnyo ma'ima'.

SISIKON NU TO RASUL-RASUL 10:34

Lantas i Petrus notatae, “Uuka aiya aku totu-totu'u sininsumbu'mo taalu' Tumpu mombau iwi-iwi' mian pokakana.

SISIKON NU TO RASUL-RASUL 10:44

Hau-haunyo i Petrus daagi' basisik, Roh nu Tumpu nintatau'mo ka' nongkuasaimo iwi-iwi' mian anu nohongo lele aijo'.

SISIKON NU TO RASUL-RASUL 28:2

Mian anu monjoongi togong aijo' lame' hondo hi kami. Aha nolabot kami iwi-iwi' ma'ima' hondo ka' nomposuuni apu bau kapalaluan kami, kalana ujan tinudunmo ka' tempo'mo nu bakin.

ROMA 11:15

Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!

ROMA 14:1

Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:10

Jadi, to Utu-utus! Bau apaa na mompisala'i utusum anu sa'a-sa'angu' na kapalesaya'an? Ka' bau apaa na kita Utus monsangka ia madi' ko angga'nyo? Kita iwi-iwi' mo'ahopje hi Tumpu Allah da o putusi.

ROMA 14:13

Mokonyo aitu boli kita mompaha pisa-pisala'i. Ola ahi' opai-pai lio da komiu madi' mombau apa-apaa anu monsaduakon samian na utus, anu sa'a-sa'angu' na kapalesaya'an tagoda ka' baladosa'.

ROMA 14:15

Panyo de apaa na anu okaan nu kita Utus, samian na utus sangalunto anu bubuu' palesaya osakitimo na kinyonyoanyo, saba' kita Utus madi'mo mimpikilan molengkat i kinyonyoa anu molibos. De i Kristus sinilakamo bau kapentingan nu toto samian, boli mompojohok mian aijo' dumo ma'idek na kinyonyoanyo kalana nu saduakonmo nu anu okaan nu kita Utus.

ROMA 14:21

Sahanyo bolimo okaan na ponoha' kabai monginum anggur, kabai mombau pa'apaa, de han aijo' monsaduakon samian na utus anu sa'a-sa'angu' na kapalesaya'an timbali baladosa'.

ROMA 15:7

Mokonyo aijo' tionyo to Utu-utus mompaha tali-talima samian ka' samian nu kinyonyoa sanang, sumo i Kristus suele nontalima komiu bau pompopodaka' Tumpu.