ROMA 14:23 - KITAB NU TUMPU ALLA LELE MA'IMAI'

²³ Panyo mian anu mongoa'i bata-bata na mongkaan apa-apaa, padahan lapas mae nukaanmo ahi' na kaanon aijo', mian aijo' nuposala' nu Tumpu; kalana mian aijo' madi' montuluti apaa na anu nupalesaya pa' anu totu'u kabai anu madi' totu'u. Ka' mau mule' apaa na anu nubau de madi' okinyonyoai hondo-hondo aijo' ola timbali dosa'.

ROMA 14:23 ပူးပေါင်းရင်းမြစ်များ

ROMA 13:2

Mokonyo aijo' mian anu panggaga hi pamalentah pokakanamo sumo monggagakon anu pinoto'imo nu Tumpu. Ka' mian anu mombau sumo aijo' montalimamo hukuman.

ROMA 14:5

Daagi' ko mian anu mongoa'i sala'sa'angu' na sinaa anu tinantukanmo lebe penting molingkudui sinaa-sinaa sangga'at, sadang mian sangga'at mule' monsangka tukoonyo sinaa haha aijo' pokakanamo. Bakasmo da toto samian montantukan posi pikilannyo.

1 KORINTUS 8:7

Mau mule' sumo aitu, madi' iwi-iwi' na mian monsumbu' anu sumo aijo'. Daagi' ko anu naipuan mae monsombah pilogot. Jadi, kalana aijo' sampe tempo' uuka aha daagi' monginau' te kaanon anu sinombahkonmo hi pilogot, aijo' kaanonmo nu pilogot. Sahingga de nukaan nu aha na kaanon aijo', aha mongoa'i baladosamo; kalana palesaya nu aha ma'isa mahoson.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.