ROMA 14:18 - KITAB NU TUMPU ALLA LELE MA'IMAI'

¹⁸ Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

ROMA 14:18 ပူးပေါင်းရင်းမြစ်များ

2 KORINTUS 8:21

Kami mongka'oho' mokalaja hodi-hodi' misa' ola i ahop nu Tumpu, panyo mule' suele i ahop nu mian.

1 PETRUS 2:20

Kalana apaa na ima'nyo de belemiu sabaan na mongoa'i hukuman anu sabenannyo o tanggung nu belemiu kalana sinala'mo? Panyo de belemiu sabaan na mongoa'i sansala anu mongkona belemiu kalana mombau anu totu'u, saba' Tumpu mombalakatije belemiu.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.

1 TIMOTIUS 5:4

Panyo de samian na balu, ko to ana-anaknyo kabai to maku-makumpunyo, aha aijo'mo na momona tionyo obee'i pangalati'an, da aha tionyo mompalahatikan to utu-utus nu aha ka' mombalosi kinyonyoa nu tu'anyo ka' kele' nu aha. Kalana han anu sumo aijo' ahi' na momposanang kinyonyoa nu Tumpu.

1 TIMOTIUS 2:3

Aijo'mo na anu ma'ima' ka' momposanang kinyonyoa nu Tumpu Allah, anu Momposalamat kita.

KOLOSE 3:24

Soba tutugi kalana komiu montalimaje tambonyo lengkat mae hi Tumpu. Apaa na anu pinotoukamo nu Tumpu bau bagi nu mian anu palesaya hi Ia, aijo'mo na anu obee' hi komiu. Kalana tuan anu sahondo-hondonyo hau-haunyo otuluti miu, aijo'mo i Kristus.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

2 KORINTUS 6:4

Panyo ola ahi' i uno nu iwi-iwi' na han, kami mompotoa saba' kami te to posa-posaihon nu Tumpu. Kalana sagala lupa na kasansala'an anu ingoa'an sinabaanakonmo mami:

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

1 KORINTUS 7:22

Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

ROMA 14:4

Ihe na kita Utus, sahingga kita Utus mompisala'imo posaihon nu mian sangga'at? Pa' posaihon aijo' motua' kabai mobula, aijo' ponsumbu'an nu tuannyo. Ka' memang posaihon aijo' po'ule'je tuminjo mahoson, kalana Tumpu moko ala mompotimbali ia tuminjo ka' mahoson.

ROMA 12:11

Makeke na mokalaja. Boli moluluk. Mombau kalaja nu Tumpu o bika-bikasakon nu Roh nu Tumpu na mokalaja.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

SISIKON NU TO RASUL-RASUL 10:35

Mian anu mabuhuk hi Tumpu ka' mombau anu ma'ima', mian aijo' otalima nu Tumpu, madi' mompile'i ia bansa apaa.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

MARKUS 13:34

Ka'ada'annyo sumomo anu mompala'i laigannyo, lantas mamba i tampat anu majo'on. Ia nonsai to posa-posaihonnyo montamongi laigannyo, ka' nombee'imo palentah hi aha toto samian. Hi aha anu montamongi pontumban, ia nompoto'i da balajaga ma'i-ma'ima'.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

KAJADIAN 4:7

De beleyum nombaumo anu ma'ima', tantu beleyum tolomoing; panyo de beleyum nombaumo anu ma'idek, saba' dosa' montanda'imo minsoop i uno nu kinyonyoa nu beleyum. Dosa' kahanda'mo mongkuasai butong nu beleyum, panyo beleyum tionyo ahi' mohungku'i ia.”

2 KORINTUS 5:9

Kalana aijo' kami bala usaha totu-totu'u da momposanang kinyonyoa-Nyo, maumu kami daagi' hau-haunyo jojoong i laigan mami aiya, kabai pe'e i kiita'mo mae.

FILIPI 4:8

Ahennyo to Utu-utus, isii na pikilan miu nu hahan anu mingkaliangan, anu pantas o puji', aijo'mo hahan anu totu'u, anu o'angga'i, anu adin, lomas, matami' ka' ma'ima'.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.