ROMA 14:1 - KITAB NU TUMPU ALLA LELE MA'IMAI'

¹ Mian anu madi' junjuhi' na palesayanyo itina' hi komiu to Utu-utus, otalima ma'i-ma'ima'. Boli painggaga tiba ia anu pa' mosia na pongka'oho'nyo.

ROMA 14:1 ပူးပေါင်းရင်းမြစ်များ

AYUB 4:3

Nanjoo'mo na miana nu pinokinde'anmo nu beleyum, ka' aha anu madi'mo taalo palesaya po'ule'mo pinalesaya kalana pinokinde'anmo nu beleyum.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 42:3

Balo anu nopekokmo madi' opato'akon, sulu' anu mongkokihomo madi' opoho'. Tulu-tulutan hondo na ia mompoto'i han anu totu'u,

YEHEZKIEL 34:16

Anu nolapusmo Kulio, anu tinalasmo Ku sule'akonmo, anu binelaonmo Ku bobodi, anu masakit Ku pakuli'imo; panyo anu molompo' ka' mule' mahoson Ku pateimo kalana Akumo na polaya' anu momba-mombau apaa na anu ma'ima'.

YEHEZKIEL 34:4

Domba nu belemiu haha atina' anu madi'mo mahoson madi'mo okalesang nu belemiu, anu masakit madi'mo opakuli'i, anu binelaonmo madi'mo obobodi nu belemiu, anu tinalasmo ka' nolapusmo madi'mo olio nu belemiu ka' osule'akon mae. Pakalaus iwi-iwi' na domba haha aijo' talalo ahi' osigohi nu belemiu.

ZAKHARIA 11:16

Kalana Aku mompokalajamo samian na polaya' nu potuu'on da monjagai dombang-Ku, panyo ia madi' mongkali-kalinga domba anu nokangkanmo; ia madi' molio domba anu tinalasmo, madi' mule' ahi' mompakuli'i domba anu binelaonmo ka' mule' madi' mombee'i pakan te domba anu daagi' tutuu'. Pakalaus ola nu kaan na antok nu domba anu molompo' hondo ka' nu paha gauti konukunyo nu binatang haha aijo'.

MATIUS 12:20

Balo anu mopekok madi' o pato'akon, pansona' anu mokokihom madi' o poho'. Ia bala usaha sampe ka'adilan o humpak;

MATIUS 14:31

I Yesus nalia-lia' na nonguluakon lima-Nyo ka' nontoongi ia, ka' notatae, “Petrus, Petrus, beleyum aiya ma'isa talalo palesaya. Kadaka' beleyum bata-bata hi beleng-Ku?”

MATIUS 18:10

“Jaga! Boli mompopo'ambang sala'samian na to mia-mian anu ise' aijo'. Kalana, o inau'mo, na to mala-malaikat, aha saja' i ahop nu Tuumang-Ku i suluga'. [

MARKUS 7:19

Kalana anu minsoop aijo' madi' montulu i kinyonyoa, panyo montulu i kompong, ka' lapas po'ule' mosabat.” Tiba potatae haha aijo' i Yesus nontaloakon saba' iwi-iwi' na kaanon aijo' halan.

LUKAS 17:2

Lebe ma'ima' de batu ponggiling oposegot i gogohongnyo, lantas ia o alin i uno nu ambai, ka' de mule' ia monsaduakon sala'samian na to mia-mian ise' aiya mombau dosa'.

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

SISIKON NU TO RASUL-RASUL 28:2

Mian anu monjoongi togong aijo' lame' hondo hi kami. Aha nolabot kami iwi-iwi' ma'ima' hondo ka' nomposuuni apu bau kapalaluan kami, kalana ujan tinudunmo ka' tempo'mo nu bakin.

ROMA 11:15

Kalana aha madi'mo tinalima nu Tumpu, sahingga pompahasumbu'an nu dunia tiba Tumpu mompo'ule'mo ma'ima'; apaa mule' de aha otalima nu Tumpu! Tantu aijo' pokakanamo sumo mian mate po'ule'mo tumuu'!

ROMA 14:2

Daagi' ko mian anu ko tanga'an tukoonyo ia timbali mongkaan mau mule' apaa. Panyo daagi' ko mian sangga'at anu ola ue-uengke' na palesayanyo; nu oa'i anu ola timbali nukaan ola santo uta-utan.

ROMA 14:21

Sahanyo bolimo okaan na ponoha' kabai monginum anggur, kabai mombau pa'apaa, de han aijo' monsaduakon samian na utus anu sa'a-sa'angu' na kapalesaya'an timbali baladosa'.

ROMA 14:3

Mian anu mongkaan mau mule' apaa, boli mongalu mian anu mongkaan ola kaanon anu tinantukanmo; ka' mian anu mongkaan ola anu tinantukanmo, boli mule' mompisala'i mian anu mongkaan mau mule' apaa, kalana Tumpu nontalimamo ia.

ROMA 15:1

Kita anu totu-totu'u junjuhi' i anu opalesayanto, tionyo sabaan i kabalatan-kabalatan nu mian anu ola tudu-tudu na kapalesaya'annyo. Boli ola kita momposanang posi butongto.

ROMA 15:7

Mokonyo aijo' tionyo to Utu-utus mompaha tali-talima samian ka' samian nu kinyonyoa sanang, sumo i Kristus suele nontalima komiu bau pompopodaka' Tumpu.

ROMA 4:19

I Abraham tempo'nyo aitu monsumbu' ia madi'mo tantu daagi' mohumpak bija', kalana butongnyo talalomo notu'a ka' umunnyo ohanimo sa'atu na taun; i Sara mule' bengkele'nyo aijo', lengke'. Panyo palesaya totu-totu'u i Abraham madi' toho' maga'a.

1 KORINTUS 9:22

Hi aha to mia-mian anu kapalesaya'annyo madi' mahoson, aku mule' montiho sumo samian anu kapalesaya'annyo madi' mahoson, da aku timbali moko ala mongendei aha da timbali mombatuki i Kristus. Memang, aku tinimbalimo sumo anu iwi-iwi' aijo', kalana kapalaluan nu iwi-iwi' mian da mau mule' mosiamo na jalan timbali na aku momposalamat sambagian na aha.

FILIPI 2:29

Jadi, talimamo na ia nu kinyonyoa sanang sumo samian na utus anu sampo palesaya. O'angga'i na mian iwi-iwi' anu sumo ia.

1 TESALONIKA 5:14

Opoita mami mule' hi to Utu-utus, pokinde'i ma'i-ma'ima' na mian anu madi' mongka'oho' mokalaja; posanang na kinyonyoa nu mian anu mabuhuk; tulungi na mian anu palalu otulungi, ka' sabaan kona hi mian iwi-iwi'.

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.

2 YOHANES 1:10

Kalana aijo' de daagi' ko mian toka ka' mompolele hi belemiu pangajalan anu madi' ingajanakon i Kristus, boli montalima mian aijo' i laigan miu kabai monsalan do'ai ia.