ROMA 13:9 - KITAB NU TUMPU ALLA LELE MA'IMAI'

⁹ Kalana atulan nu agama Yahudi, aijo'mo: Boli masala', boli mompatei, boli mombuling, boli mongkamilui anu nu mian; iwi-iwi' aijo' naninggalumo tiba to atu-atulan sangga'at, kinodo'anmo sahingga pinosa'angu'mo na atulan, aijo'mo, “Kalibosi na sangko mian sumo beleyum mongkalibosi posi butongum.”

ROMA 13:9 ပူးပေါင်းရင်းမြစ်များ

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

MATIUS 22:39

Palentah anu ko'ohua'nyo pokakanamo tiba anu i moona aijo'. Kalibosi na bubuu' komiu, sumomo beleyum mongkalibosi posi butongum.

MARKUS 10:19

Beleyum nonsumbu'mo palentah-palentah nu Tumpu, ‘Boli mompatei, boli masala', boli montomang, boli bau sakisi baleko', boli mongakali, adati na tuuma tinaum.’ ”

MARKUS 12:31

Palentah ko ohua'nyo aijo'mo: ‘Kalibosi na sangalu miu, sumomo beleyum mongkalibosi posi butongum.’ Madi'mo daagi' ko palentah sangga'at anu talalo penting, panyo olamo ahi' anu ohua' na palentah aijo'.”

LUKAS 10:27

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

LUKAS 18:20

Sinumbu'mo na pale-palentah nu Tumpu: ‘Boli masala', boli mompatei, boli mombuling, boli timbali sakisi baleko', ka' o adati na tuuma ka' tinaum.’ ”

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.