ROMA 13:5 - KITAB NU TUMPU ALLA LELE MA'IMAI'

⁵ Mokonyo aijo' kita Utus tionyo montapali pamalentah – misa' ola kalana kita Utus madi' mongka'oho' o hukum, panyo kalana molengkat mae ahi' i kinyonyoaum anu mohongo-hongo totu-totu'u.

ROMA 13:5 ပူးပေါင်းရင်းမြစ်များ

ANU MOMPOLELE POTATAE NU TUMPU 8:1

Ibeh na kosanangnyo na mian anu pande. Iwi-iwi na palakala nu sumbu' na montaami. Kapandean bapikin na nompolame'mo ia tinolomoing: sahingga ohupnyo saja' balasahaya.

ANU MOMPOLELE POTATAE NU TUMPU 8:2

De tomundo' mompalentahmo otapali; ka' boli balajanji kosia-sia' hi Tumpu.

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

ROMA 13:6

Aijo' suele na pu'unyo ka' kadaka' kita Utus mombayan hasin, kalana pamalentah aijo' nu atun nu Tumpu mompojalan kalajanyo aijo'.

IBRANI 13:18

Saja' odo'akon mae na kami. Otutugi mami, kinyonyoa mami totu-totu'u hodi', kalana iwi-iwi na han saja' anu totu'u na obau mami.

1 PETRUS 2:19

Tumpu na mombalakati belemiu, de komiu mangalati' i kahanda' nu Tumpu, sabaan na mongoa'i sansala i hukuman anu madi' adin.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.