ROMA 13:4 - KITAB NU TUMPU ALLA LELE MA'IMAI'

⁴ Kalana pamalentah posaihon nu Tumpu anu mokalaja bau ka'ima'an. Panyo de kita Utus mombau anu ma'idek, memang kita Utus tionyo mabuhuk hi ia, kalana madi' ola palasuma na ia ko kuasa mohukum mian. Ia posaihon nu Tumpu anu monabu'akon hukuman nu Tumpu hi to mia-mian anu mombau anu ma'idek.

ROMA 13:4 ပူးပေါင်းရင်းမြစ်များ

1 TOMU-TOMUNDO' 10:9

O puji' na Tumpu, Tumpu Allah nu belento Tuan! Kalana nohangkatmo belento Tuan tinimbali tomundo' nu Israel, pinotoamo nu Tumpu hi belento Tuan, na Ia sanang hi belento Tuan. Madi' kokamingkotanyo na Ia mongkalibosi bansa Israel; mokonyo' aijo' Ia nohangkatmo belento Tuan binaumo tomundo' nu aha, da belento Tuan sabole-bole ahi' mompojalan atulan ka' ka'adilan.”

2 TAWARIKH 19:6

ka' mombee'i palentah sumo uuka, hi aha, “Obau pande-pande na momputusi palakala kalana belemiu momputusi misa' pongka' oho' nu manusia panyo mongala pongka'oho' nu Tumpu. Ia na montoa belemiu de belemiu momputusimo palakala.

AMSAL 16:14

Tambuha' nu tomundo' salakumo lele nu hukuman mate; mian anu pande mongusahakon da mohuhusi tambuha'!

AMSAL 20:2

Tambuha' nu tomundo' sumomo polohu' nu singa, mian anu monsaduakon da ia motambuha' alati'nyo monsilakai posi butongnyo.

AMSAL 20:26

Tomundo anu pande monsumbu' ihe na mian anu ma'idek nakinyonyoanyo; ia mohukumje aha madi' ko ampunnyo.

AMSAL 20:8

De tomundo sumuhangmo i kulusi pomputusian palakala, nu toa iwi-iwi' na anu ma'idek na kinyonyoanyo.

YESAYA 1:17

o'ajan na mombau ka'ima'an. O toongi dodo-dodo na ka'adinan ka' boli obau na mongkabisa'i; bee'akon na hak nu aha anak anu madi'mo kotuumanyo ka'tinanyo ka'otinjohi na palakala nu anu balumo.”

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

YEHEZKIEL 22:27

To pama-pamalentahnyo sumomo ahi' serigala anu nombente-bentekmo kaanonnyo. Aha sola'mo nompatei mian ola kalana da molio ka untungan.

YEHEZKIEL 25:14

Bansang-Ku aha mian nu Israel Ku pakemo da mombalosakonmo palabuatan nu aha Edom, ka' mule' Edom okabisa'imo susumo ideknyo nu tambuha'-Ku. Nu sumbu'je nu Edom mosia na nyamitnyo, na timbalimo panintudunan nu tambuha'-Ku. Aku Tumpu Anu Matangkas na Kuasanyo no tataemo.”

MIKHA 3:9

Potombihing mae na potataengku aiya, o belemiu anu balakuasa i Israel anu nongka'idekimo ka'adilan ka' mule' nonggeo-geo'akonmo han anu totu'u.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

ROMA 13:6

Aijo' suele na pu'unyo ka' kadaka' kita Utus mombayan hasin, kalana pamalentah aijo' nu atun nu Tumpu mompojalan kalajanyo aijo'.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

YOSUA 20:5

De mian anu kahanda' mombalosakon aijo' mololoi' mae ia toka-toka mokiijo', mian anu jojoong i kota aijo' madi' timbali mombee' hi mian aijo'. Aha tionyo ahi' monjagai ia, kalana ia nompatei mian madi' tinotonggolakon, ka' misa' kalana mongka'ideki.

YOSUA 20:9

Aijo'mo na kota iwi-iwi' anu bau palaihan anu tinantukan kona hi iwi-iwi' mian nu Israel ka' kona' hi mian anu lengkat mae i salipu'an anu jinojoongmo hi aha. Batu-batu mian anu nompateimo mian sangga'at, panyo madi' tinotonggolakon timbali ojagai da boli opatei i kota haha aijo' de o loloi' nu mian anu ko kahanda' mombalosakon hi ia, ia madi' timbali opatei de ma'isa pe'e o ulus na palakalanyo i ahop nu mian da'isan.

1 PETRUS 2:14

mau mule' gubernur anu tiniju' nu Kaisar da mohukum mian anu mombau ma'idek, ka' da mongadati mian anu mombau ma'ima'.