ROMA 13:12 - KITAB NU TUMPU ALLA LELE MA'IMAI'

¹² Pihi ko mingko-mingkotnyomo; ka' daagi' sasaidi' majingkamo. Jadi, sahanyo kita bolimo solaa' mombau anu i uno nu pintung. Kita tionyo montoukaimo butongto nu toongon ponjagai butong aijo'mo jingka.

ROMA 13:12 ပူးပေါင်းရင်းမြစ်များ

NYANYIAN ANU TALASANGGO 2:17

Sampe ko mombunnyomo subu-subu, anu mola'akonmo pikat pihi-pihi. Pinsusule'mo mae osindua'anku susumo kijang, susumo anak nu jonga ibungkutnyo nu Beter.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

1 KORINTUS 10:11

Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

1 KORINTUS 7:29

Pongka'oho'ku sumo uuka, To Utu-utus: Kita madi'mo ko tempo' manjoo'. Otampu'uni tempo' uuka toto samian anu ko bengkele'mo tionyo ia tumuu' susumo madi' ko bengkele'nyo;

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

2 KORINTUS 6:7

ka' mombebakon lele anu lengkat mae hi Tumpu ka' tiba kuasa nu Tumpu, kami nompotoamo saba' kami aiya aijo'mo to posa-posaihon nu Tumpu. Kami mintoong i kahanda' nu Tumpu bau salaku toongon mami monggagakon kabai mule' bau pontinjohi butong mami.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

EFESUS 5:11

Boli mombau bauon anu madi' mingguna, anu nu nubau nu to mia-mian anu tumuu' i uno nu pintung. Ola ahi' maunyo opotalang miu na hahan anu sumo aijo'. (

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.

YAKOBUS 5:8

Komiu suele ahi' sabaan ka' oposanang na kinyonyoa, kalana sinaa katokaan nu Tumpu ohanimo.

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.

1 YOHANES 2:18

To ana-anakku, kakiamatan ohanimo! Pinoko poto'imo hi komiu i momonanyo tukoonyo Sampo Bali' i Kristus tokamo saidi' mae; ka' tempo' uuka aiya i lubatmo da'isan na mian anu monsampo bali' i Kristus. Aijo'mo na tandanyo saba' kakiamatan malia'mo toka.

ANU PINOTO'I HI YOHANES 1:3

Mohumpak ka'ima'an na mian anu mombasa'akon ka' anu mohongo lele sisikon nu kitab aiya tiba mule' tulu-tulutan hi apaa na anu tinulismo i unonyo. Kalana madi'mo pin iwi-iwi' aiya jadimo.

ANU PINOTO'I HI YOHANES 22:10

Lantas ia notatae mule', “Boli mompohowini potatae anu pinoto'imo, apaa na anu timbali saidi' mae anu tinulismo i uno nu kitab aiya, kalana ohanimo na tempo'nyo iwi-iwi' aiya timbalimo.