ROMA 13:1 - KITAB NU TUMPU ALLA LELE MA'IMAI'

¹ Toto samian tionyo mohongo-hongo pamalentah, kalana madi' ko Pamalentah anu madi' mohumpak kuasa lengkat mae hi Tumpu. Ka' pamalentah anu uuka aiya, mompojalan kuasanyo kalana palentah anu lengkat mae hi Tumpu.

ROMA 13:1 ပူးပေါင်းရင်းမြစ်များ

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

AMSAL 24:21

O anaku, okabuhuk na Tumpu ka' oholomati na tomundo. Boli mobobatukan tiba mian anu madi' situju hi aha.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

ROMA 12:21

Boli mompojohok butongum nuhungku'i nu anu ma'idek, panyo kita Utus na tionyo mohungku'i ka'idekan nu ka'ima'an.

ROMA 13:2

Mokonyo aijo' mian anu panggaga hi pamalentah pokakanamo sumo monggagakon anu pinoto'imo nu Tumpu. Ka' mian anu mombau sumo aijo' montalimamo hukuman.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

1 TIMOTIUS 2:2

kona hi to tomu-tomundo ka' kona hi iwi-iwi' mian anu montoongi kakuasa'an. Poita da kantumuu'anto sanang ka' aman na palesaya hi Tumpu i uno nu kalakuan anu pantas.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

YUDAS 1:8

Sumo aitu mule' na mian haha aijo' ola lewa' mompopikilakon anu santo misa-misa' sampe aha mombau dosa' i posi butong nu aha. Aha monte kuasa nu Tumpu ka' mompopo'ise' malaikat anu talasanggo kiita' i suluga'.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 17:14

Aha mahampateje mongewa Anak nu Domba aijo'. Panyo Anak nu Domba aijo' tiba anu saja' mombatuki Ia, anu tulu-tulutan hondo ka' anu ilaga-Nyomo ka' pinile'an-Nyomo aijo' na mompatundu' tomundo haha aijo', kalana Iamo na Tumpu nu iwi-iwi na Tuan, ka' Tomundo nu iwi-iwi na to tomu-tomundo.”

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.