ROMA 12:20 - KITAB NU TUMPU ALLA LELE MA'IMAI'

²⁰ Ola ahi', de anu monsampo bali' beleyum mo'ohop, obee'i na ia mongkaan; ka' de ia megot obee'i na ia monginum. Kalana de mombau anu sumo aijo', kita Utus sumomo nompopo'ambangmo ia.

ROMA 12:20 ပူးပေါင်းရင်းမြစ်များ

KAJADIAN 42:25

I Yusuf nompalentahmo da to kalu-kalung anu binoa mae nu to utu-utusnyo tu'a o isiakon gandum, ka' doi nu aha toto samian po'isiakon i uno nu kalung haha aijo'. Ka' mule' aha obee'i anu okaan bau mantu nu aha i jalan. Palentahnyo aijo' tinulutanmo.

2 TOMU-TOMUNDO' 6:22

Tinaaman i Elisa, “Boli. Sadang suludadu anu i hakop mae nu belento Tomundo' namba nahampate madi' pinatean nu belento Tomundo', sumo aitu suele na aiya. Bee'i mongkaan ka' monginum na aha, lantas pobee'mo na aha minsusule' hi tomundo' nu aha.”

MAZMUR 120:4

Tiba pana' anu matajom nu mian anu mahampate tiba oba nu apu anu noakmo!

MAZMUR 140:10

Boli opobee' na mian anu monsampobali aku, untung na mahampate; bakas da potatae anu nutaloakon nu aha mongkona butong nu aha anu mompobau-bau mae aku.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

LUKAS 6:27

“Panyo hi komiu anu mohongo Aku tempo' uuka, Ku potuun sumo uuka: Kalibosi na sampo bali'um, ka' bau na anu ma'ima' hi mian anu mongka'ideki beleyum.

ROMA 12:21

Boli mompojohok butongum nuhungku'i nu anu ma'idek, panyo kita Utus na tionyo mohungku'i ka'idekan nu ka'ima'an.

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”