ROMA 12:17 - KITAB NU TUMPU ALLA LELE MA'IMAI'

¹⁷ De mian mombau idek hi beleyum, boli obalosi nu ka'idekan. Obau na anu o'oa'i ma'ima' hi mian iwi-iwi'.

ROMA 12:17 ပူးပေါင်းရင်းမြစ်များ

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

ROMA 12:19

To Utu-utusku! Boli hondo-hondo mombalosi ka'idekan, bakas da Tumpuje na mohukum. Kalana i uno nu Kitab nu Tumpu tinulismo, “Akuje na mombalosi. Akuje na mohukum na koonyo nu Tumpu.”

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.

1 TESALONIKA 5:22

Opatikojo'oni iwi-iwi' na ngangahan nu ka'idekan.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

KOLOSE 4:5

I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

ROMA 14:16

Mokonyo aijo' boli mompojohok apaa na anu ma'ima' hi komiu, osangkamo madi' ma'ima' nu mian sangga'at.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.

KAJADIAN 42:25

I Yusuf nompalentahmo da to kalu-kalung anu binoa mae nu to utu-utusnyo tu'a o isiakon gandum, ka' doi nu aha toto samian po'isiakon i uno nu kalung haha aijo'. Ka' mule' aha obee'i anu okaan bau mantu nu aha i jalan. Palentahnyo aijo' tinulutanmo.

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

AMSAL 24:29

Boli motatae, “Aku tionyo mombalosakon ia apaa na anu binaunyomo hi belengku!”

MATIUS 5:24

tionyo ia mompala'i pe'e anu nu sombahkon aijo' i ahop nu tampat ponsombahkonan, lantas mamba baladame tiba mian aijo'. Lapas aijo' timbalije ia minsusule' ka' monsombahkon anu nu bee' hi Tumpu.

I RUT 3:14

Sahingga i hoyotmo na i Rut ikiijo' koko tengke i Boas. Dodododopnyo subu-subu daagi' pikat, i Rut nobulamo da madi' nutoa nu mian. Kalana i Boas madi' mongka'oho' mau ola samian na monsumbu' i Rut tinokamo i tempat aijo'.