ROMA 12:12 - KITAB NU TUMPU ALLA LELE MA'IMAI'

¹² Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

ROMA 12:12 ပူးပေါင်းရင်းမြစ်များ

MAZMUR 109:4

Aha montuuk mae aku mau mule' aku mongkalibosi aha, ka' nondo'akonmo aha.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 40:1

Anu mongkapalai panyanyi. Mazmur i Daud.

MAZMUR 62:8

Iamo na Tumpu anu mombee'imo mae aku kasalamatan ka' kaholomatan, Iamo na anu nonjagai mae aku ka' anu nontinjohimo mae aku anu otaha'imani.

AMSAL 10:28

Anu nu taha imani nu mian anu manonong na kinyonyoanyo mompotimbali ia sanang na kinyonyoanyo; anu nu taha imani nu mian anu ma'idek na kinyonyoanyo madi'mo ko apa-apaa anu nu humpak.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

LUKAS 21:19

De komiu moko tahan ka' sabaan, komiu saidi' mae salamat.”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

SISIKON NU TO RASUL-RASUL 1:14

iwi-iwi' saja' mosangaja' na kinyonyoa silimu' da balado'a. Aha balado'a tiba to bouboune, singkona i Maria tina i Yesus ka' tiba to utu-utus i Yesus.

SISIKON NU TO RASUL-RASUL 12:5

Jadi i Petrus pinosoop i uno nu talungku'; panyo to jama-jama'at ola ahi' saja' nondo'akon i Petrus totu-totu'u hi Tumpu.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

SISIKON NU TO RASUL-RASUL 6:4

kalana kami kahanda' balado'a da ola saja' mompolele potatae nu Tumpu.”

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.

1 KORINTUS 13:13

Jadi, tempo' aiya totolu' na han anu tionyo saja' obaunto: palesaya, montaha'imani, ka' mompaha kali-kalibosi. Anu talalo hondo penting i anu totolu' aiya, aijo'mo, mongkalibosi to mia-mian sangga'at.

2 KORINTUS 12:8

Pinintolun na aku binalado'a hi Tumpu, da panyakit aijo' osabatakon lengkat hi belengku.

FILIPI 3:1

Ahennyo to Utu-utusku, tionyo ahi' komiu lame'mo kalana komiu nosa'angu'mo tiba Tumpu. Aku madi' mongoa'i lawe na mongulit apaa na anu tinuliskumo ka' pinakatungkumo hi komiu momonanyo mae; kalana han aijo' ma'ima' da bau kasalamatan miu.

FILIPI 4:4

O'amalakon da komiu saja' lame' kalana komiu tinumuu'mo nosa'angu' tiba Tumpu. Po'ule' pe'e kutaloakon: Obau lame-lame'!

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

KOLOSE 4:2

Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

1 TESALONIKA 5:8

Panyo kita aiya to mia-mian anu pinosoopmo i sinaa anu majingka; kalana aijo' pikilanto tionyo matantu. Kita tionyo tataap palesaya hi Tumpu ka' mongkalibosi to mia-mian sangga'at tiba taha'iman ahi' totu-totu'u saba' Tumpu momposalamatmo kita. Aijo'mo na toongon anu monjagai kita i uno nu usaha mongewa ka'idekan.

2 TESALONIKA 1:4

Mokonyo aijo' kadaka' kami saja' monsisik komiu, de kami mambamo molenga to jama-jama'at nu Tumpu. Obuulakon kami na monsisik mosia na komiu tataap mahoson na palesaya hi Kristus i uno nu ponsakisa'an ka' kasansala'an anu ingoa'anmo miu.

2 TESALONIKA 3:5

O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 3:10

Panyo beleyum nontulutimo to aja-ajalanku, kalakuanku, ka' patuju nu kantumuu'anku. Beleyum nosi toamo mosia na aku totu-totu'u palesaya hi Yesus Kristus ka' mongkalibosi sangko mian. Beleyum mule' monsumbu' kasabalan ka' kahosonan nu kinyonyoangku.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

TITUS 3:7

da kalana balakat i Yesus, kita mompo'ule'mo ma'ima' tiba Tumpu, ka' kita mohumpakmo kantumuu'an anu ma'ima' sampe toka sidu-sidutu', anu saja' o'ima-imaninto.

IBRANI 10:32

Potutugakon mosia na ka'ada'annyo na to utu-utus i tempo' anu i hikuhakonmo. Tempo'nyo aitu salatan jingka nu Tumpu nonjingkai komiu, komiu nongoa'imo manjoo' hondo na kasansala'an, panyo komiu sabole-bole ahi palesaya totu-totu'u.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

YAKOBUS 5:7

Kalana aitu, osabalakon to Utu-utus, sangkutnyo Tumpu toka. Toa mosia na kosabaannyo na samian anu topo ale' montanda'i sampe tano'nyo mohasinakon anu ko olinyo hi ia. Ia sabaan na montanda'i ujan loonu nu mohudu' na hon nu kau' ka' ujan loonu nu mimbunga na kau'.

1 PETRUS 4:13

Ola ahi' komiu sabenannyo mongoa'i sanang kalana sansalamo hingga-hinggat tiba i Kristus. Sahingga de saidi' mae katalasanggoan i Kristus opotoamo, komiu balame-lame'je.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

2 PETRUS 1:6

ka' tuangnyo nu kapandean, komiu tionyo ahi' moko ala mongkuasai butong. Ka' tuangnyo nu moko ala mongkuasai butong tionyo ahi' belemiu mompokopiani butong ka sabaan na mongahopi iwi-iwi na apaa. Tuangnyo nu sabaan de mongahopimo iwi-iwi na apaa, belemiu tionyo ahi' mombatuki pongka'oho' nu Tumpu.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”