ROMA 12:1 - KITAB NU TUMPU ALLA LELE MA'IMAI'

¹ To Utu-utus! Tumpu talalo ma'ima' hi kita. Mokonyo aijo' ku poita hondo-hondo na komiu monsombahkon butong miu sumo sa'angu' na panyombahan anu tumuu' ola sa'a-sa'angu'nyo hi Tumpu tiba mule' anu momposanang kinyonyoa-Nyo. Komiu monsombah hi Tumpu tionyo sumo aijo'.

ROMA 12:1 ပူးပေါင်းရင်းမြစ်များ

MAZMUR 116:12

Apaa na ku bee' hi Tumpu bau pombalosi kanonongan-Nyo hi belengku?

MAZMUR 19:14

Pojo'onakon mae na aku i dosa' anu ototonggolakon, boli opojohok na aku nukuasai nu dosa' susumo aijo'. Sahingga aku madi' ko kasala'an, ka' bebasmo madi'mo molanggai atulan anu maboat.

YESAYA 56:7

“Belemiu Ku boamo mamba i Sion i bungkutnyo anu susi' anu Aku na tumpunyo ka' Ku bee'imo kalame'an i laigan-Ku ponso-ponsoban Aku. Koloban iwi-iwi' anu osombahkon nu belemiu i mezbah-ngKu, Ku talimamo. Laiganku osanggohimo laigan balado'an nu iwi-iwi' na bansa.”

YEREMIA 6:20

Bau apaa na kamangian anu nu boa mae nu aha hi beleng-Ku lengkat mae i Syeba, kabai santo lampa-lampa anu lengkat mae ilipu' anu majo'on? Madi' sanang na Aku montalima palasombahan nu aha. Madi' Ku ka'ima'i na koloban-koloban nu aha anu opotunu.

HOSEA 14:2

Pinsusule'mo mae hi Tumpu na belemiu o bansa Israel! Dosa' nu belemiu nonsaduakonmo sahingga belemiu tinompaleda'mo ka' tinombahangkangmo.

LUKAS 7:47

Totu'u: Liibosnyo anu tahahumo sumo aijo' momponyata'mo saba' dosa'nyo anu manjoo' ingampunanmo! De mian o ampuni sangkiding, ia suele mongampuni sangkiding.”

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 15:30

Tiba sanggo nu Tumpunto i Yesus Kristus, ka' tiba kalibosan anu binee' mae nu Roh nu Tumpu, kupoita sabole-boleh hi komiu da aku tiba komiu mondo'akon mae totu-totu'u aku hi Tumpu Allah.

ROMA 2:4

Kabai o oa'i miu dengke na kanonongan nu Tumpu tiba ka'ima'an nu kinyonyoa ka' kasabalan-Nyo anu daka' hondo sumo aijo'? Tantu osumbu' miu te Tumpu mompotoa ka'ima'an nu kinyonyoa-Nyo kalana Ia mongkahanda'i da komiu bolimo daagi' mombau to dosa-dosa' miu.

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

ROMA 6:19

Kalana mongalati'i, komiu ma'isa moko ala, aku nompake sonto-sonto' tobotuanan da lebe dengke na komiu mangalati'. U'utu mae komiu mombee' butong miu iwi-iwi' salaku botuan nu hahan anu mahenyu ka' anu ma'idek bau kapentingan nu han anu ma'idek. Sumo aitumo mule' tempo' uuka, tionyo komiu monsimpalaakon butong miu iwi-iwi' salaku posaihon mombau pongka'oho' nu Tumpu, apaa na anu nukahanda'i nu Tumpu da miu susi'.

ROMA 9:23

Tumpu mule' ko kahanda' mompotoa hi kita kabilahian anu molabi-labih binee'-Nyo hi kita anu nu Nu kalibosi. Kita tinoukaan-Nyomo mohumpak kabilahian aijo'.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

2 KORINTUS 10:1

Uuka aiya aku i Paulus, monsisikmo apa-apaa hi beleyum. Aku aiya de koonyo nu mian manonong de mompaha ahop tiba komiu, panyo baani de to majo'onanmo. Jadi, kalana kanonongan ka' ka'ima'an nu kinyonyoa i Kristus,

2 KORINTUS 4:1

Kami nombau kalaja aiya kalana kanonongan nu Tumpu. Mokonyo aijo' kami madi' ma'osa.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

EFESUS 5:10

O usahakon da monsumbu' apaa na anu momposanang kinyonyoa nu Tumpu.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

FILIPI 2:17

Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu.

FILIPI 4:18

Tinalimangkumo iwi-iwi' – aitu pe'e nolabimo misa' ola asan sinukupmo! Iwi-iwi' na anu binee'mo pinakatu mae hi belengku, ingalangkumo hi Apafroditus. Uuka aiya iwi-iwi' na anu kupalalui daagi'mo hi belengku. Iwi-iwi' na anu binee'mo miu aijo', sumo nohong nu hongohis nu kuluban anu sinombahkonmo hi Tumpu ka' anu ingalamo nu Tumpu ka' nomposanangmo kinyonyoa-Nyo.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

1 TESALONIKA 4:10

Ka' han aiya pinotoamo miu hi aha iwi-iwi' na to utu-utus anu sa'a-sa'angu' na kapalesaya'an i songko-songko na Makedonia. Panyo, to Utu-utus, opoita mami totu-totu'u da kantumuu'an miu timbali lebe ma'ima' mule'.

1 TESALONIKA 5:12

To Utu-utus, opoita mami da sabole-bole komiu mongangga'i to mia-mian anu mokalaja itina' hi komiu; aijo'mo aha anu pinile'anmo nu Tumpu da molaya' ka' mompokinde'i komiu.

1 TIMOTIUS 2:3

Aijo'mo na anu ma'ima' ka' momposanang kinyonyoa nu Tumpu Allah, anu Momposalamat kita.

1 TIMOTIUS 5:4

Panyo de samian na balu, ko to ana-anaknyo kabai to maku-makumpunyo, aha aijo'mo na momona tionyo obee'i pangalati'an, da aha tionyo mompalahatikan to utu-utus nu aha ka' mombalosi kinyonyoa nu tu'anyo ka' kele' nu aha. Kalana han anu sumo aijo' ahi' na momposanang kinyonyoa nu Tumpu.

FILEMON 1:10

Aku, i Paulus, mompotoka sa'angu' na poitaon hi beleyum mongkona i Onesimus, anakku kalana i Kristus. Kalana i uno nu talungku' aiya, aku tinimbalimo tuuma nu rohaninyo.

FILEMON 1:9

Panyo kalana aku mongkalibosi kita Utus, aku ola ahi' momoita. Aku aiya samian na tu'anyo ka' uuka aiya hau-haunyo i unomo nu talungku', kalana i Kristus Yesus.

IBRANI 13:22

Ku poita da komiu sabaan na mongintomakon pokinde' haha aijo' iwi-iwi' aiya, kalana sulatku aiya madi' talalo mantan.

1 PETRUS 2:20

Kalana apaa na ima'nyo de belemiu sabaan na mongoa'i hukuman anu sabenannyo o tanggung nu belemiu kalana sinala'mo? Panyo de belemiu sabaan na mongoa'i sansala anu mongkona belemiu kalana mombau anu totu'u, saba' Tumpu mombalakatije belemiu.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.