ROMA 11:8 - KITAB NU TUMPU ALLA LELE MA'IMAI'

⁸ Kalana i uno nu Kitab nu Tumpu tinulismo sumo uuka, “Tumpu nompotimbalimo kinyonyoa tiba pikilan nu aha da ponga'; ka' sampe tempo' uuka mata nu aha madi' moko ala montoa, tiba bihing nu aha madi' moko ala mohongo.”

ROMA 11:8 ပူးပေါင်းရင်းမြစ်များ

2 TOMU-TOMUNDO' 17:34

Sampe sinaa uuka aiya, aha daagi' monjalanakon adat kabiasa'an nu aha. Aha madi' monsombah Tumpu ka' madi' ahi' suele montuluti to atu-atulan ka' palentah-Nyo anu binee'-Nyomo hi lee' i Yakub anu sinanggohan-Nyomo Israel.

2 TOMU-TOMUNDO' 17:41

Jadi aha monsombah Tumpu, panyo mule' monsombah ahi' to pilo-pilogot nu aha sampe sinaa uuka aiya lee' mae nu aha daagi' saja' mombau han aijo'.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YESAYA 6:9

Lantas sinai-Nyomo na aku da mamba momboa potuunon aiya hi aha mian: “Belemiu saja' sahongo-hongonyo panyo madi' mangalati'. Belemiu sapala-palahatikannyo panyo madi' osumbu' nu belemiu pa' apaa na anu saidi' mae jadi.”

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEHEZKIEL 12:2

“O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

YEHEZKIEL 20:26

Pinojohok-Kumo na aha nohumimi'imo butong nu aha sola-sola'mo nongkolobanakonmo anu posi kinolobanakonmo nu aha ka' mule' to ana-anak mo'ane nu aha anu tumpenyo kinolobanakonmo nu aha. Tiba jalan anu sumo aijo' na bau pohukum-Ku aha da nu sumbu' nu aha taalu' Akumo ahi' na Tumpu.

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

SISIKON NU TO RASUL-RASUL 28:26

Tumpu notatae, ‘Lako'mo taloakon hi bansa aiya: Komiu saja' mohongo, panyo madi' mangalati'; komiu saja' mompalahatikan, panyo madi' monsumbu' apaa na anu tinimbalimo.

PO'ULE' INGULIT 29:4

Panyo sampe sinaa aiya Ia ma'isa nompobee' belemiu da monsumbu' iwi-iwi' apaa na anu ingoa'anmo miu aijo'.