ROMA 11:4 - KITAB NU TUMPU ALLA LELE MA'IMAI'

⁴ Apaa na pinontaami nu Tumpu hi Elia? Tumpu nontaami, “Aku daagi' nomposisa popitu' na madala na mian anu monsombah Aku. Aha ma'isa toho' nonsombah Pilogot nu Baal.”

ROMA 11:4 ပူးပေါင်းရင်းမြစ်များ

1 TOMU-TOMUNDO' 16:31

Ma'isa na'osa na ia i kantumuu'annyo lewa' mombau dosa' susumo i Tomundo' Yerobeam, pakalaus ia nongosoai mule' i Izebel anak i Tomundo' Etbaal mian nu Sidon, ka' mule' ia nonsombahmo Baal.

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

YESAYA 4:3

Batu-batu mian anu daagi' tinasisa i Yerusalem, ka' mule' aha to mia-mian anu pinile'anmo nu Tumpu da oposalamat, osanggohimo sinusi'mo.

YEREMIA 19:5

Ahanombauimo Baal mezbah da bau ponsombahkonan to ana-anak nu aha salaku koloban anu opotunu, padahan Aku madi' ahi' toho' nompalentah aha mombau han anu sumo aijo', pakalaus madi' ahi' toho' sininsumbu' i uno nu pikilan-Ku na tanga'an anu sumo aijo'.

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

HOSEA 2:8

Tina nu beleyum madi' toho' mompototu'u saba' Akumo na anu nombee'i ia gandum, anggur, lanya' nu zaitun ka' iwi-iwi na mosoni', salaka, anu pinakenyo nonsombah Baal aijo'.

ZEFANYA 1:4

Kuhukumo na mian anu jojoong i Yerusalem ka' anu i songko-songko na Yehuda. Tuha' nu anu lewa' bau ponsomban Baal Ku hansunimo na anu i tampat-tampat haha aijo'. To mia-mian anu lewa' mombau ada-adat nu Baal okolilimimo madi'mo daagi o'inau'.

NOMBILANGMO 25:3

Kalana aha mian nu Israel nonsombahmo Baal kiijo' i Peor, Tumpu nontambuha'imo aha ka' notataemo hi Musa,

PO'ULE' INGULIT 4:3

Pinosi toamo nu belemiu apaa na anu binaumo nu Tumpu Allah miu i Bungkutnyo nu Peor. Batu-batu mian anu monsombah Baal i tampat kiijo' pinatean-Nyomo,