ROMA 11:36 - KITAB NU TUMPU ALLA LELE MA'IMAI'

³⁶ Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 11:36 ပူးပေါင်းရင်းမြစ်များ

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

AMSAL 16:4

Sinin na apaa na anu nu bau nu Tumpu ko makisud-Nyo; ka' makisud nu mian anu ma'idek na kinyonyoanyo ola kasilakan.

YESAYA 42:12

Sahanyo aha mongholomatimo Tumpu, ka' mompolelemo Ia iwi-iwi na lipu' anu toto jo'o-jo'on.

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

LUKAS 19:38

Aha noloboo'akon, “Balakatiakon na Tomundo anu tinokamo mae kalana sanggo nu Tumpu! Salamat i suluga', ka' o puji' na Tumpu Allah!”

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

SISIKON NU TO RASUL-RASUL 17:28

Sumo anu tinaloakon nu mian, ‘Kita tumuu' ka' kolalaajang ka' jojoong i dunia aiya, kalana kakuasa'an-Nyo'.’ Pokakana suele tiba anu tinaloakonmo nu to pia-piangkuka na mian anu nontulis pantun miu. Aha notatae, ‘Kita iwi-iwi' te to ana-anak-Nyo.’

ROMA 16:27

Olamo Ia sa'a-sa'angu'nyo na Tumpu, Ia talalo hondo pande. O amalakon da Ia saja' opopodaka' sidu-sidutu' hi Yesus Kristus! Amin. Tabea' mami, I Paulus, posaihon i Kristus Yesus 49

1 KORINTUS 11:12

Kalana mau mule' boune anu momonanyo pinotimbali lengkat i mo'ane, panyo lapas aijo' mo'ane pinohampemo nu boune; ka' iwi-iwi' na apaa, nolengkat mae hi Tumpu.

1 KORINTUS 8:6

Panyo hi kita, Tumpu ola sa'a-sa'angu'nyo. Ia Tuuma anu nompotimbalimo iwi-iwi' na anu daagi'. Bau kapaluan-Njo na kita tumuu'. Ka' Tumpu suele ola sa'angu', aijo'mo i Yesus Kristus. Anu binau iwi-iwi' nolengkat mae hi Ia, ka' kalana Ia sahingga kita tinumuu'mo.

GALATIA 1:5

Puji' na Tumpu sampe toka sidu-sidutu'! Amin.

EFESUS 3:21

Tionyo ahi' Tumpu saja' opopodaka' molapi-lapis na tulunan i uno nu jama'at, montului i Kristus Yesus. Puji' na Tumpu sampe toka sidu-sidutu'! Amin.

FILIPI 4:20

O puji' na Tumpu Tuumanto sidu-sidutu'! Amin.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 PETRUS 5:11

Iamo na anu mongkuasai sampe toka sidu-sidutu'! Amin.

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

ANU PINOTO'I HI YOHANES 19:1

Lapas aijo', aku nohongomo apa-apaa, sumo potatae nu mian onyi'nyo sumo gohung lengkat mae i suluga' anu lewa' moloboo' daka-daka', “O puji' na Tumpu! Tumpunto atina'mo na Tumpu anu momposalamat; Iamo na Tumpu anu talasanggo ka' matangkas na kuasanyo!

ANU PINOTO'I HI YOHANES 21:6

Lantas Ia notataemo, “Ilapasmo! Akumo na anu momonanyo, ka' anu imihinyo; Akumo na Tumpu lengkat pe'e Momonanyo toka-toka Imihinyo. Batu-batu mian anu megot, Ku po'inumije madi' pilenje o'oli i mata nu uee anu mombee'i kantumuu'an.

ANU PINOTO'I HI YOHANES 7:10

Lantas aha notatae daka-daka', “Kasalamatanto nolengkat mae hi Tumpunto, anu suha-suhang i kasuhangan aijo', ka' lengkat mae hi Anak nu Domba aijo'!”

ANU PINOTO'I HI YOHANES 7:12

Aha notatae, “Amin! O puji' na Tumpunto anu talasanggo ka' anu pande hondo. Ia patut saja' otaloakon talima kase, ka' o'adati. Ia matangkas na kuasanyo ka' mahoson sampe toka sidu-sidutu'! Amin.”