ROMA 11:34 - KITAB NU TUMPU ALLA LELE MA'IMAI'

³⁴ I uno nu Kitab nu Tumpu tinulismo sumo uuka, “Ihe na moko sumbu' pikilan nu Tumpu? Ihe na timbali mombee'i pokinde' hi Ia?

ROMA 11:34 ပူးပေါင်းရင်းမြစ်များ

AYUB 15:8

Te i hongo nu beleyum na Tumpu Allah binatanga'mo? Te ola beleyum na ko kapandean nu manusia bapikin?

AYUB 21:22

Te nupoko ala mule' nu manusia na mompogulu' Tumpu Allah, te misa' Tumpu Allah ahi' na momputusi palakala nu malaekat i suluga'?

AYUB 36:22

Sabole-bole otutugi, Tumpu Allah aijo' totu-totu'u daka' hondo na kuasanyo. Te daagi' ko gulu' anu sumo Ia na kopandenyo.

YESAYA 40:13

Ihe na moko ala mompotiju' Tumpu, kabai mompogulu' Ia salaku mian anu lewa' mompokinde'i Ia?

YEREMIA 23:18

Aku motatae, “Madi' kosamian pe'e na nabi haha aijo' monsumbu' apaa na anu i uno nu pikilan nu Tumpu. Madi' ko anu aijo' hi aha toho'mo nohongo ka' mangalati' apa-apaa na anu tinanga'an-Nyomo; madi' mule' ahi' ko anu mompalahatikan kabai mompajuli potatae-Nyo.

1 KORINTUS 2:16

I uno nu Kitab nu Tumpu tinulismo, “Ihe na monsumbu' pikilan nu Tumpu? Ka' ihe na moko ala mompokinde'i Ia?” Kitamo na anu ko pikilan pokakana tiba i Kristus!