ROMA 11:21 - KITAB NU TUMPU ALLA LELE MA'IMAI'

²¹ Kalana de Tumpu madi' nolibos, sahingga nongalinmo mian nu Yahudi anu susumo to panga-panga', anu panga'nyo ahi' memang totu-totu'u aijo', boli taha'iman Ia molibos na mongalin kita Utus!

ROMA 11:21 ပူးပေါင်းရင်းမြစ်များ

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEREMIA 49:12

Mian anu madi' pantas ohukum kinonamo ahi' suele nu hukuman, kadaka' belemiu na madi'? Tantu belemiu tionyo ahi' ohukum!

ROMA 11:17

Sambagian na to panga-panga' nu kau' zaitun – aijo'mo na to mia-mian Yahudi – tinutu'akonmo. Ka' i pinontutu'akonan aijo', na pinompokampa'an panga' nu kau' zaitun nu kuhat, aijo'mo to Utu-utus anu misa' Yahudi. Kita Utus pinokampa' i kiijo' da kita Utus mongoa'i iwi-iwi' na anu ma'ima' i kantumuu'an nu mian Yahudi anu palesayamo.

ROMA 11:19

Panyo kita Utus ugaat notataemo, “Ii', panyo panga-panga'nyo aijo' otutu'akon da aku timbali opokampa' i batangnyo!”

ROMA 11:20

Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.