ROMA 11:20 - KITAB NU TUMPU ALLA LELE MA'IMAI'

²⁰ Aijo' memang totu'u. Panyo aha o'alin kalana aha madi' palesaya, panyo kita Utus otalimamo kalana kita Utus pinalesayamo. Jadi boli kita timbali kobubuun kalana tinalimamo; ola ahi' kita Utus tionyo mongoa'i mabuhuk.

ROMA 11:20 ပူးပေါင်းရင်းမြစ်များ

2 TAWARIKH 20:20

Dodododopnyo subu-subu hondo, mian da'isan nosabatmo ka' nambamo i da'erah padang mateges koko Tekoa. Salatan aha kahanda'mo mamba, pinotuunmo i Yosafat sumo uuka hi aha, “O mian da'isan Yehuda ka' Yerusalem! Opalesaya na Tumpu Allah nu belemiu, da belemiu moko ala mongewa. O hongo-hongo na pokinde' nu to nabi-nabi nu belemiu da belemiu mohumpak ka'untungan na mahampate!”

MAZMUR 138:6

Belento talalo hondo susi' panyo anu madi' talakana' Nu palahatikan ahi'; mian anu kobubuun madi' moko ala maninsuluk da madi' Nu toa.

AMSAL 28:14

Saja' oholomati na Tumpu, sahinga beleyum saidi mae mohumpakje kabilahian iuno nu kantumuu'an. De beleyum panggaga hi Ia, beleyum mohumpakmo kasilaka'an.

AMSAL 28:26

Ihe na mosi akui pongka'oho'nyo, madi' ko pikilan ma'ima', Ihe na mombatuki ajalan nu mian anu pande saidi mae salamat.

YESAYA 2:11

Ola-olanyomo ahi Tumpu na anu opopodaka'.

YESAYA 2:17

Mian anu buulon opopo ambangmo ka' mule' mian anu lewa' montige-tige opota'alukmo. Ola-olamo ahi' Tumpu na anu opopodaka'.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

YESAYA 7:9

Israel madi' lebe mahoson molingkudui Samaria puso nu kota'nyo, ka' mule' Samaria madi' lebe mahoson molingkudui i Tomundo' Pekah. De belemiu madi' totu-totu'u palesaya hi beleng-Ku memang belemiu madi'mo moko ala totahan.”

HABAKUK 2:4

Ka' o ingat: Mian anu ma'idek na kinyonyoanyo madi' salamat, panyo mian anu mombau pongka'oho' nu Tumpu saidi' mae tumuu' kalana ia tulu-tulutan hi Tumpu.”

ZEFANYA 3:11

Tempo'nyo aijo' belemiu o mian-Ku anu pinalesayamo, belemiu madi'mo palalu mongoa'i ma'ambang kalana notomuhukmo mae hi beleng-Ku. Aku molaa'mo batu-batu mian anu takabun ka' buulon ka' belemiu madi'mo daagi motomuhuk mae hi belengku aita i bungkutnyo anu Susi' anu Aku na tumpunyo.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

ROMA 11:18

Mokonyo aitu boli komiu monsangka dengke na aha anu tinutu'akonmo sumo panga' aijo'. Tionyo o' inau' miu, taalu' komiu ola panga'nyo. Ka' misa' panga'nyo anu mombee'i mongkaan bakatnyo, panyo bakatnyo na anu mombee'i kaanon i panga'nyo.

ROMA 11:21

Kalana de Tumpu madi' nolibos, sahingga nongalinmo mian nu Yahudi anu susumo to panga-panga', anu panga'nyo ahi' memang totu-totu'u aijo', boli taha'iman Ia molibos na mongalin kita Utus!

ROMA 12:16

Tumuu' mompaha kano-kanonongi samian tiba samian. Boli montige-tige na kinyonyoa, panyo obau na butongum susumo mian anu madi' molabi na kantumuu'annyo. Boli mongoa'i butong lebe pande, padahan madi' pande.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 3:3

Panyo mosia de sambagian na mian nu Yahudi madi' mohongo-hongo? Pa' kalana aijo' sahingga Tumpu madi'mo mongkalibosi aha?

1 KORINTUS 10:12

Mian anu monsangka butongnyo tuminjo mahoson, obala-bala ingati; da boli mamanga ia motua'mo.

1 KORINTUS 15:1

Ka' uuka aiya, to Utu-utus, gagalanku komiu po'ule' pe'e monginau' Lele Ma'ima' lengkat mae hi Tumpu anu pinolelengkumo u'utu mae hi belemiu. Komiu nontalimamo ka' nompalesayamo i Kristus, kalana Lele Ma'ima' aijo'.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

KOLOSE 2:7

ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

2 TESALONIKA 2:4

Kobubuunmo hondo na ia mongewa ka' mompuji' posi butongnyo molingkudui iwi-iwi' anu nu sombah nu mian, kabai iwi-iwi' na pilogot anu nu anggapmo nu mian Tumpumo nu aha. Pakalaus ia sumuhang i uno nu Laigan nu Tumpu, ka' mompoto'i tukoonyo iamo na Tumpu.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

IBRANI 3:19

Uuka aiya sinumbu'tomo, saba' aha madi' timbali minsoop, kalana aha madi' palesaya hi Tumpu.

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

IBRANI 4:6

Jadi aha anu momona nohongo lele mongkona Lele Ma'ima' aijo', madi' mohumpak pingkainan aijo' kalana aha madi' palesaya. Desumo aijo' nanasamo taalu' daagi' ko to mia-mian sangga'at anu timbali mohumpak pingkainan aijo'.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 PETRUS 5:12

Sulatku anu ola kodo-kodo' aiya tinulisku toka hi belemiu tinulungan i Silas, anu ku anggap samian na utus Kristen, anu mohongo-hongo. Aku kahanda' mongkakeha' belemiu, ka' mompohoson kinyonyoa nu belemiu, kalana apaa na anu tinuliskumo aiya lele anu totu'u aijo'mo balakat nu Tumpu. Opai-pai lio da komiu mintoong ahi' hoso-hoson i balakat aijo'.

1 PETRUS 5:9

O'ewa na ia nu iman anu totu-totu'u, kalana sinumbu'mo nu belemiu to Utu-utus sangko Kristen sangga'at i songko-songko na dunia singkona nongoa'imo kasansala'an sumo komiu.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.